龍鳳店

營業中

休息中

一直都想試呢間好受歡迎的瀑布蛋治，但假日真係無勇氣過來😂 滑蛋呢樣嘢，外賣的質素又會下降了很多。今次趁平日下午茶時間路過，就一於試吓。雖然是平日，但鋪頭細細，只有大約10個位，所以非繁忙時間都要等一張枱。舖頭裝修雖然簡單，但卻非常細心，消毒酒精、口罩袋，一應俱全。連飲管都是獨立包裝，夠晒衛生。除咗堂食，仲有提供外賣的小食，魚蛋之類。呢枝奶茶真係好好飲！入口非常滑溜，而且茶味夠濃，仲有原味、少甜、走甜可選擇，非常貼心。不同口味和甜度的奶茶。店入面放滿twinings 茶罐，唔怪得茶味咁香濃！等咗一陣，新鮮熱辣的蛋治終於來了。賣相，好澎湃的炒滑蛋，上面仲放滿蟹籽、紫菜及其他調味味。蓋面的滑蛋真的很滑很流質，蛋味仍很足！切開的餡料亦很慷慨會見到薄薄軟軟的白麵包和滿滿的蟹柳。用蛋包三文治，麵包的角色有點可有可無，不太吃得出口感來隱約見到蟹膏醬，搽多啲當然會更好另外值得一讚的蟹柳每條都好大條，亦燒得好香，比一般蟹柳惹味得多雖然$58一個蛋包三文治定價真的有點高，但吃得出是真材實料，製作亦好有誠意。另外，店主也非常細心有禮貌，店面環境不大，但也吃得很舒服。