影片
更多
2020-10-10
325 瀏覽
近年唔少大牌檔紛紛入舖，就算味道保持水準，但或多或少會失去原有風味。正所謂秋風起，我好肥，呢排d晚風好涼爽，係時候去舊式大牌檔整幾碟撚手小菜。🍴炸蠔餅炸到爆晒花，咬落去極之酥脆鬆化，唔會好似食緊薄罉咁，又唔油膩，碟底一滴油都無，蠔仔大粒鮮甜。🍴墨魚球炸大腸墨魚球脹卜卜，好鬼彈牙同鮮甜，真材實料，炸大腸乾淨無異味，外皮酥脆，內裡夠軟，唔乾唔硬，呢味菜一彈一脆嘅配搭新穎又好食。港式炸物通常係唔係都跟泰式雞醬，但呢度就跟柚子甜酸醬，味道份外清幽，同炸野好夾。🍴雜菌牛仔骨一上菜就聞到勁香，初頭以為係用豉油炒，原來係用更濃郁鮮香嘅蠔油去炒，牛仔骨夠腍，唔會太肥，配埋大量雜菌香上加香。🍴枝竹火腩豆腐煲香港經典文學作品《火腩飯》描寫作者去茶記食火腩飯嘅體會，偏重於心路歷程，對味道則較少著墨。今晚面前嘅火腩煲正合我口味，火腩本身夠晒鹹，所以芡汁唔洗多，岩岩好掛晒落配料，同清淡得黎又滑溜嘅枝竹豆腐好夾，加埋蒜子香味，仲要用煲上熱辣辣夠晒惹味，反觀茶記嘅火腩飯大多鑊氣欠奉，芡汁又黏又鹹，絕對唔能夠同火腩煲媲美。大牌檔啲人通常粗聲粗氣，但呢度個老闆非常之有親切感。📍頭檔大排擋荃灣曹公街8號香車街街市熟食中心
🍴炸蠔餅
炸到爆晒花，咬落去極之酥脆鬆化，唔會好似食緊薄罉咁，又唔油膩，碟底一滴油都無，蠔仔大粒鮮甜。
🍴墨魚球炸大腸
墨魚球脹卜卜，好鬼彈牙同鮮甜，真材實料，炸大腸乾淨無異味，外皮酥脆，內裡夠軟，唔乾唔硬，呢味菜一彈一脆嘅配搭新穎又好食。港式炸物通常係唔係都跟泰式雞醬，但呢度就跟柚子甜酸醬，味道份外清幽，同炸野好夾。
🍴雜菌牛仔骨
一上菜就聞到勁香，初頭以為係用豉油炒，原來係用更濃郁鮮香嘅蠔油去炒，牛仔骨夠腍，唔會太肥，配埋大量雜菌香上加香。
🍴枝竹火腩豆腐煲
香港經典文學作品《火腩飯》描寫作者去茶記食火腩飯嘅體會，偏重於心路歷程，對味道則較少著墨。今晚面前嘅火腩煲正合我口味，火腩本身夠晒鹹，所以芡汁唔洗多，岩岩好掛晒落配料，同清淡得黎又滑溜嘅枝竹豆腐好夾，加埋蒜子香味，仲要用煲上熱辣辣夠晒惹味，反觀茶記嘅火腩飯大多鑊氣欠奉，芡汁又黏又鹹，絕對唔能夠同火腩煲媲美。
大牌檔啲人通常粗聲粗氣，但呢度個老闆非常之有親切感。
📍頭檔大排擋
荃灣曹公街8號香車街街市熟食中心1樓9號舖
張貼
