鮮芋仙 (新都會廣場)

營業中

休息中

今晚食完晚餐後，好想食些甜品，次次經過新都會廣場嘅鮮芋仙，總是時間有啲趕，今晚難得時間鬆動啲，見裡面又冇乜人，就落完單後入去堂食! 今次小妹就點咗個熱嘅「豆漿豆花3號 紅豆、花生」，由於小妹一向食開少甜，所以就要求叫無糖豆漿，一來可以食得健康啲，二來會少啲罪惡感!鮮芋仙啲豆腐花都算滑嘟嘟，雖然我叫的是無糖豆漿，但加埋紅豆和花生一齊食，好滿足! 煲腍咗嘅紅豆已有少少甜味，花生又有咬口，食落口好暖胃，很窩心! 如果有朋友想食甜品，但又怕肥，不妨試試小妹這個口味選擇啦! 不過，小妹想講講碗豆花和其他配料雖然是新鮮，但份量較少，變咗碗豆漿就好大碗，料就唔多夠囉，希望有關人仕可以檢討檢討!So far 這間鮮芋仙堂食嘅客人不算多， 所以坐位都比較鬆動，而樓面夥記人數都是得一至兩個人，可以想象到在這裡堂食都不會太busy! 所以，如果想約朋友傾下偈、食下甜品， 這裡都是一個好的聚腳點! 加油啦