好景海鮮飯店

營業中

休息中

難得入到西貢一定要食海鮮， 今日我哋成班朋友十幾日一路沿住海邊行，揀咗呢間睇落比較平民嘅飯店， 因為聽聞近巴士站嗰啲餐廳都係比較"食水深"，所以我哋就行入啲，嚟咗呢間好景海鮮飯店。我哋嗌咗個十二人餐， 樣樣海鮮都有啲蝦，蟹，魚，龍蝦，鮑魚，扇貝，海鮮湯，沙薑雞都有！第一首菜係黃金蝦，因為太肚餓所以唔記得影相。 蝦身炸到好香脆，而且好夠味，連埋殼食都得！蝦身大隻而且爽甜，一啲都唔霉，好新鮮清蒸鮑魚夠大隻，而且好容易去殼，鮑魚肉唔"鞋"唔靱，淋身得黎保留住鮑魚嘅口感！瀨尿蝦好大隻啖啖肉， 外面好夠味，但係食到去肉就冇乜味， 不過本身身蝦都好夠爽甜扇貝粉絲唔夠多，不過蒜味好夠，最失望係隻扇貝似係蒸過龍，縮曬水得返好細隻龍蝦伊麵足料，蝦肉夠爽豉椒炒蟶子，隻隻都好大隻而且豉椒味非常入味！聖子爽口脆身！ 係新鮮嘅聖子先煮到咁爽脆條魚好大條，但一啲都冇蒸過龍！啱啱好魚身夠滑 唔會鞋！蒸蟹，蟹肉香甜，蛋白有酒香十幾人食一個餐，一人三百幾蚊，食到咁多種海鮮，抵食！