緣味小聚

營業中

休息中

蒸海鮮最大既好處就係將啲海鮮既原汁原味蒸晒出黎，海鮮既新鮮程度道好重要，呢度既海鮮全部都好新鮮，係時令海鮮，一啲急凍既感覺都無！最正一定係開邊大龍蝦，龍蝦成隻手臂咁長，啲肉好厚，好鮮味，爽甜嫩口，有啲彈牙，肉質超好，仲有少少龍蝦膏，鮮甜到爆！蒸生蠔亦係好好味架，生蠔大隻又肥美，甘香鮮甜，仲食到幾creamy，中意既仲可以加蒜蓉去蒸，味道超好！另外海蝦都係大隻有膏，扇貝都有黃膏，蚌又彈牙有咬口，蜆都大隻無沙，全部都好好食呀！好食既仲有點心，即叫即蒸，夠晒新鮮熱辣，蘑菇包好得意，整到真係成粒大蘑菇咁，好香蘑菇味，包又夠鬆軟，牛肉球都好好質感，好香牛肉芫荽味，有層次既味道！