影片
更多
2021-11-02
1282 瀏覽
老公平時响旺角食lunch，佢話有日經過呢間餐廳，覺得幾好，所以出開黎就帶我黎呢度食晚飯。餐廳唔算細，裝修精緻，可見餐廳有花心思。呢度好乾淨，坐得都舒服。餐牌選擇好多，我哋叫咗兩個晚餐，有薄餅同意粉。晚餐加$30就有餐湯、餐包同熱飲，餐湯另加$20升級做酥皮湯，另外加$30就有鵝肝多士，飲品就加$15轉Mocktail & Smoothie，老公想我食豐富d，所以咩到升級晒，最後仲叫左個甜品。蒜蓉包：蒜蓉包味道夠香濃，咬落香脆，旁邊仲有自家製嘅蕃茄同洋蔥做配料，夾埋一齊食酸酸甜甜，又幾好食喎。酥皮南瓜湯：酥皮湯即叫即整，黎到熱辣辣，酥皮又香又脆，南瓜湯甜甜地，南瓜配埋酥皮味道都幾夾。鵝肝多士：鵝肝入口帶一層薄薄油脂，配埋脆脆多士食，都唔會覺得好漏，我就最鐘意呢個。煙三文魚薄餅：煙三文魚大大塊，裡面有紅黃青椒同洋蔥，食落甜甜地，餅底焗到好似餅乾咁，非常脆口，我鐘意呢個口感。脆炸軟殼蟹意大利飯：軟殼蟹原隻上，大大隻，食落香口，意大利飯軟硬適中，飯裏面仲有蘑菇，每一口都有好多汁，比較濕潤唔乾，好味。Bloody Orange：顏色好靚，味道甜甜地，有果味，老公話幾好。Cookie Sweet
餐廳唔算細，裝修精緻，可見餐廳有花心思。呢度好乾淨，坐得都舒服。
餐牌選擇好多，我哋叫咗兩個晚餐，有薄餅同意粉。晚餐加$30就有餐湯、餐包同熱飲，餐湯另加$20升級做酥皮湯，另外加$30就有鵝肝多士，飲品就加$15轉Mocktail & Smoothie，老公想我食豐富d，所以咩到升級晒，最後仲叫左個甜品。
蒜蓉包：蒜蓉包味道夠香濃，咬落香脆，旁邊仲有自家製嘅蕃茄同洋蔥做配料，夾埋一齊食酸酸甜甜，又幾好食喎。
酥皮南瓜湯：酥皮湯即叫即整，黎到熱辣辣，酥皮又香又脆，南瓜湯甜甜地，南瓜配埋酥皮味道都幾夾。
鵝肝多士：鵝肝入口帶一層薄薄油脂，配埋脆脆多士食，都唔會覺得好漏，我就最鐘意呢個。
煙三文魚薄餅：煙三文魚大大塊，裡面有紅黃青椒同洋蔥，食落甜甜地，餅底焗到好似餅乾咁，非常脆口，我鐘意呢個口感。
脆炸軟殼蟹意大利飯：軟殼蟹原隻上，大大隻，食落香口，意大利飯軟硬適中，飯裏面仲有蘑菇，每一口都有好多汁，比較濕潤唔乾，好味。
Bloody Orange：顏色好靚，味道甜甜地，有果味，老公話幾好。
Cookie Sweetie：個樣好吸引，上面有個雲呢拿雪糕球，朱古力曲奇味道好濃，飲落唔算太甜，凍冰冰。
伯爵茶奶凍伴雪糕：奶凍伯爵茶味好濃，好滑，雪糕係雲呢拿味，佢哋中間仲夾左d oero餅碎，面果塊焦糖餅好甜，整體好好食。
張貼
