人和月雞煲火鍋店 (已結業)

今晚同閨蜜去咗尖沙咀，一間任食火鍋嘅舖頭，第一次去，但食完感覺非常唔錯， 誠意介紹俾大家。間舖頭叫人和月，主打雞煲同火鍋放題，我哋一致覺得佢嘅食物新鮮同質素高，坐得舒服，亦都打理得乾淨，食得好放心。我哋叫咗個晚市SRF極黑和牛海鮮大滿貫C餐，佢嘅份量真係好多，首先佢包一個頭盤，你哋唔好以為頭盤細細份，其實我覺得佢係主菜嘅一部份，頭盤有雞煲、卜卜蜆、烤魚同酸菜魚等選擇。我哋揀咗酸菜魚，佢嘅份量我覺得仲多過出面食酸菜魚嘅舖頭，非常抵食。味道都十分正宗，酸菜同魚肉都好多，又唔會太辣，好好食，雖然一路打邊爐一路食，勁多食物，但都居然食得晒😆😆至於火鍋，我哋揀咗胡椒豬肚湯底，胡椒味好重，好出色，豬肚嘅份量適中，呢個湯底無論食牛肉定海鮮都冇得輸。呢個任食餐係包一個大滿貫嘅和牛拼盤同海鮮拼盤，份量非常多，建議大家食完呢兩個拼盤再做其他散叫食物，如果唔係可能會眼闊肚窄㗎！和牛拼盤，除咗有M4和牛、封門柳、牛小排、牛肩、牛板鍵、金錢𦟌、肥牛，仲有出面比見啲嘅牛胸爽，真係好豐富，而且味道質素高，真係抵食！海鮮併盤有大大隻飽魚、日本扇貝、青口、海蝦、沙白、魚肉，全部都大大件同新鮮，睇得又好食😋我哋另外都再叫