民華餐廳 (已結業)

突然想食下茶記，就去左呢間民華餐廳食。豬軟骨飯 $47有一碗豬軟骨同埋一隻煎蛋，份量都幾多。煎蛋幾乎全熟，冇乜特別。但個豬軟骨反而幾有驚喜！好多時喺外面茶餐廳或者米線舖食到嘅豬軟骨都可能熬得唔夠耐，軟骨太硬，搞到咬得好辛苦，最後好似食排骨咁，都係食唔到舊軟骨。但呢到嘅豬軟骨煮得夠淋，好輕易就可以食到成舊豬軟骨。亦都有三、四大舊。個汁都唔錯，撈飯幾夾。招牌叉燒煎蛋飯 $43雖然係招牌，但其實個叉燒唔係特別正。大約有六七片叉燒。隻雞蛋係太陽蛋，一篤就可以流曬啲蛋汁出黎，撈埋啲醬油同飯都唔錯嘅。