叄嵐日本燒鳥串燒居酒屋 (已結業)

去左集成打藍球，打完成班都好肚餓，係球場隔離有間食日本串燒既店，我地就比d串燒香味吸引左入去！一入門，就見到隻好得意既貓貓好似歡迎緊得我地入去咁！我地搵左個位坐低就睇下menu 有乜食，我就比個燒鰻魚飯吸引左，我叫完之後，見到隔離既鰻魚大好多，細問之下原來呢個係特盛鰻魚飯，鐘意食鰻魚既可以叫呢個！不過我覺得我果個條鰻魚都好夠大哈哈！鰻魚汁好香濃，汁既分量剛好 唔會過多，我好怕d太多汁既飯會搞到飯軟哂！呢個係使用日本珍珠米，所以特別有咬口！鰻魚基本無乜骨，所以食落唔需要就住，好出色！海蝦非常新鮮大隻，用少許鹽燒已經好好食，蝦肉爽口彈牙，透住橙紅色既蝦肉好吸引呢。我仲叫左杯baileys 朱古力，甜甜地帶點酒香，好好入口