Felice Cafe & Pasta (已結業)

希雲街不嬲都多黃店，一心抱着去支持下食好嘢嘅心情，入到嚟呢間餐廳。本身諗住人多都唔緊要，坐得好迫都唔緊要，因為有膠板格住，不過膠板彎彎曲曲，頂住人哋個頭，上面貼嗰啲文宣memo好多塵。不過黃店唔緊要啦，照坐。落完order就後悔，淨係得幾粒細細粒嘅雪藏魷魚蝦乾都可以叫做海鮮意粉？個開水嘅冬陰功醬鹹到腎虧，連加水嘅份量都拿捏唔到，點解仲可以有人話好食？仲可以有咁多個好評？另外，杯奶茶室溫嘅，啲沙律菜又唔晾乾水。