影片
更多
2021-07-14
64 瀏覽
夏日熱辣辣就梗係食番啲泰國嘢，今日去去深水埗所以就去麗閣邨搵食，見到佢而家都翻新咗好多，唔單只有大型電器鋪，仲有唔少餐廳，見到有一間餐廳係食泰國菜所以就去咗食。見到呢間泰國餐廳同鄰近餐廳喺個貨櫃盒仔入面好得意，好大個螢光招牌寫住就知道佢一間泰國餐廳。見到佢有單點同埋二人套餐，見到二人套餐都好似好抵所以就入咗去食，一入到去覺得環境都好寬敞，就算係兩人坐都有四人枱，而且都有圓枱所以就成多啲朋友嚟食都冇有怕。枱上面已經放曬餐具同埋清水所以想飲幾多就可以倒幾多。一坐低店員就會送上佢哋嘅炸蝦片，十分之脆口，而且唔會油淋淋，上面仲有少少胡椒粉令到佢變得更加香口，唔覺唔覺，拎下拎下就食咗好多。餐廳入面亦都見到唔少泰式嘅裝修，令自己好啲自身喺泰國嘅森林一樣 今次叫咗二人套餐入面嘅海南雞，馬拉盞炒通菜同埋再加錢嗌咗四條串燒。飲品方面就嗌咗珍多冰同埋凍咖啡。馬拉盞炒通菜方面十分之惹味，而且入面亦都有洋蔥，少少辣得呢十分之開胃，而且薑味亦都好濃，十分適合一啲鍾意食薑嘅朋友。海南雞飯同平時凍食唔同，呢度係熱食，熱辣辣但係亦都不失嫩口嘅感覺，最重要嘅係佢係無骨海南雞，雞肉嘅數量亦都好多，所以食嘅時候就可以啖啖肉
見到佢有單點同埋二人套餐，見到二人套餐都好似好抵所以就入咗去食，一入到去覺得環境都好寬敞，就算係兩人坐都有四人枱，而且都有圓枱所以就成多啲朋友嚟食都冇有怕。枱上面已經放曬餐具同埋清水所以想飲幾多就可以倒幾多。
一坐低店員就會送上佢哋嘅炸蝦片，十分之脆口，而且唔會油淋淋，上面仲有少少胡椒粉令到佢變得更加香口，唔覺唔覺，拎下拎下就食咗好多。餐廳入面亦都見到唔少泰式嘅裝修，令自己好啲自身喺泰國嘅森林一樣 今次叫咗二人套餐入面嘅海南雞，馬拉盞炒通菜同埋再加錢嗌咗四條串燒。飲品方面就嗌咗珍多冰同埋凍咖啡。
馬拉盞炒通菜方面十分之惹味，而且入面亦都有洋蔥，少少辣得呢十分之開胃，而且薑味亦都好濃，十分適合一啲鍾意食薑嘅朋友。海南雞飯同平時凍食唔同，呢度係熱食，熱辣辣但係亦都不失嫩口嘅感覺，最重要嘅係佢係無骨海南雞，雞肉嘅數量亦都好多，所以食嘅時候就可以啖啖肉咁食，配埋佢嘅酸辣醬就可以令成個人更加有食慾不停咁食落去。飲品方面，朋友表示好香好濃嘅咖啡味，唔會因為冰塊而變得淡味，珍多冰方面椰汁味十分之重，而且啫喱都十分之多，差唔多每一啖都可以有椰汁同埋啫喱。最後食咗串燒，分別嗌咗牛肉同埋豬肉，佢嘅沙爹醬十分之多，所以點樣點都唔會覺得唔夠喉，而肉類雖然比較偏乾，但係佢嘅醃料比較好，十分香口。
食完二人套餐再加串燒已經好夠飽，所以想甜品都食唔落，下次可以再戰。
張貼
