友記

營業中

休息中

記得以前初初係黃大仙返工，都有成日黎捧場，個時味道幾好，又平d;隔左半年尋日再黎食，有d失望，價錢加到$32 三餸，都唔緊要,但嗌下d稍為唔係最平嘅餸都話要加錢，嗌牛肚又要加，魷魚螺肉個d都要加錢，跟住凍熱飲全部都要再加錢。今次嗌左牛腩，魚蛋，螺肉，熱檸水另加五蚊，牛腩腍，魚蛋無咩特別，螺肉無寫明係辣嘅點知食落辣而攻喉，食到喉嚨好唔舒服，湯底咸重味精，亦食唔出有特別，真係得咸。如果唔係其他車仔麵都閂左門今次應該都唔再黎食，下次寧願去返同街對面個檔金x美食 食$33 三餸包野飲嘅沙嗲車仔麵算，同埋起碼人地唔會乜餸都話要加錢。