Butterfly Patisserie

營業中

休息中

上司升職請食餅，竟然豪氣地請左Rosewood既Butterfly Patisserie，十分驚喜。早聽聞此餅店的西餅十分有質素，是日終於可以一試。幸運地試了三款，包括:大溪地雲呢拿千層酥、雜苺蛋糕和開心果朱古力蛋糕個人喜愛次序為: 大溪地雲呢拿千層酥 > 雜苺蛋糕 > 開心果朱古力蛋糕大溪地雲呢拿千層酥果然名不虛傳，千層酥鬆脆，雲呢拿忌廉幼滑，甜而不膩，就算我已經係試左其餘2款之後先食呢個都唔會覺得失色，反而突出左呢件西餅既美味同細緻口感，正!真係一啖接一啖咁食，唔想停口 雜苺蛋糕，賣相非常漂亮，吸引眾人眼球，鮮艷既紅望落以為會好甜，但食落係可以接受既甜度，同埋入面的層次分明，一次可以食到唔同口感。開心果朱古力蛋糕相較之下就唔係好突出，但可以食到好濃郁既朱古力味，食得出用料一d都唔馬虎，朱古力慕斯非常細緻幼滑。此餅店的西餅的確做得十分唔錯，用料亦不隨便，特別係忌廉的口感特別幼滑。