影片
更多
2023-07-04
3491 瀏覽
一聽個名就即時諗起去新加坡市中心嘅「老巴剎」熟食市場，非常有氣氛，晌搞呢類本土文化嘅熟食中心，香港真喺拋離到車尾燈都見唔到。其實，啲冬菇亭都可以搞到好有特色，不過，香港官僚，無人有心搞。今晚嚟到西營盤嘅「巴剎雞飯」食晚飯，雖然，只喺小店一間，好鍾意佢裡面嘅平民格局。 一室裝修簡樸水泥地，摺枱摺櫈，啱晒我哋兩個麻甩佬食飯吹水，最緊要嘅都喺地方夠乾淨企理，又唔喺食咩大餐，唔使好排場，牆上都掛滿好多招牌食物相，影得靚，非常吸引。至於枱面，擺咗點菜紙、餐具、紙巾、醬油碟及各式各款醬料，自由取用，夠街坊，夠自在。 餐牌就得一張，食物款式一眼睇晒，只有共11款嘢食，務求做到貴精不貴多，兼且頗有特色，不過你嚟得呢度，就喺想食啲特色嘅馬來風菜式。落單就剔紙仔，其實你會發現，點餐紙上面嘅飲品選項會比主餐牌有更多選擇。 炸皮蛋餃 $32呢款小食特別想試，賣相猶如炸雲吞，新鮮即炸，外皮香脆不膩，餡料喺豬肉同皮蛋，估唔到兩者都幾夾，出嚟效果又幾唔錯，滲出陣陣皮蛋嘅獨有氣味，喜歡食皮蛋嘅人真喺唔可以錯過。炭燒沙爹牛 $48雖然只喺細細一份沙嗲牛，但最大亮點就喺連埋個小型炭爐一齊上，而個炭爐仔絕對唔喺得個樣，真喺
一室裝修簡樸水泥地，摺枱摺櫈，啱晒我哋兩個麻甩佬食飯吹水，最緊要嘅都喺地方夠乾淨企理，又唔喺食咩大餐，唔使好排場，牆上都掛滿好多招牌食物相，影得靚，非常吸引。
至於枱面，擺咗點菜紙、餐具、紙巾、醬油碟及各式各款醬料，自由取用，夠街坊，夠自在。
餐牌就得一張，食物款式一眼睇晒，只有共11款嘢食，務求做到貴精不貴多，兼且頗有特色，不過你嚟得呢度，就喺想食啲特色嘅馬來風菜式。落單就剔紙仔，其實你會發現，點餐紙上面嘅飲品選項會比主餐牌有更多選擇。
炸皮蛋餃 $32呢款小食特別想試，賣相猶如炸雲吞，新鮮即炸，外皮香脆不膩，餡料喺豬肉同皮蛋，估唔到兩者都幾夾，出嚟效果又幾唔錯，滲出陣陣皮蛋嘅獨有氣味，喜歡食皮蛋嘅人真喺唔可以錯過。
炸皮蛋餃
$32
13 瀏覽
1 讚好
0 留言
炭燒沙爹牛 $48雖然只喺細細一份沙嗲牛，但最大亮點就喺連埋個小型炭爐一齊上，而個炭爐仔絕對唔喺得個樣，真喺有炭熱住啲串燒，熱到標油，所以，啲串燒入口非常熱焫焫，再者，軟腍有肉味，咬落富肉汁，又具炭火香，個沙嗲醬亦都非常之香濃惹味，充滿花生香，喺必食推介。
炭燒沙爹牛
$48
10 瀏覽
0 讚好
0 留言
炸肉撈麵 $56唔知咩叫炸肉，所以，專登點嚟試一試，嚟到個樣都幾似叉燒，不過，唔喺燒，而喺炸，炸得外層幾脆口，裡面肉質好鬆化，確喺幾好食喎；撈麵嘅質地唔喺爽口嗰種，而喺帶韌性嗰隻，入口有少少韌勁，沾滿醬油頗好味。
炸肉撈麵
$56
9 瀏覽
0 讚好
0 留言
巴剎雞飯 $58嚟到「巴剎」，另一焦點就喺佢哋嘅雞飯，貌似海南雞飯，啲雞去晒骨，但明顯分別就喺唔會配黑醬油、薑蓉、辣醬，而喺配上自家製作嘅青辣醬，有陣陣泰式嗰種青咖喱味，幾醒神。此外，仲奉送一客冬瓜湯，消暑清甜，
巴剎雞飯
$58
11 瀏覽
0 讚好
0 留言
先講講啲雞，真喺堅嫩滑，而且，好有鮮甜味，雞皮又夠爽，皮下脂肪又少喎，唔喺雪雞可比，最正就梗喺去晒骨，啖啖肉啦；至於啲雞油飯亦煮得出色，帶有鮮香味，飯粒夠分明，不愧招牌菜式。
丹南咖啡 $22、百香果茶烏龍冷泡茶 $20較有特色啲嘅就喺丹南咖啡同羅漢果龍眼冬瓜茶，小弟就梗喺揀咖啡試試啦，老友就揀冬瓜茶，不過，太熱門啦，已經無晒貨，唯有轉飲冷泡茶。我杯凍咖啡都幾香濃，奶味同甜度都稍稍偏重；而杯冷泡茶揀百香果口味，所以，入口酸香清爽，佢話襯沙嗲一流，同埋睇到杯底沉咗好多百香果籽，絕對貨真價實，唔喺搵糖漿沖出嚟。
咖央椰絲手抓餅 $28最後，再追加一道手抓餅，當喺甜點。一大底手抓餅煎得金黃，餅面塗滿咖央，再灑滿椰絲、花生碎、白芝麻，入口餅身軟腍帶煙韌，邊位就好脆口，並且充滿椰香同花生香，作為甜品真喺好食。
咖央椰絲手抓餅
$28
11 瀏覽
0 讚好
0 留言
整體來講，食物有賣點，做菜水準高，最緊要喺定價夠街坊嘛！
張貼
