影片
更多
2023-09-07
223 瀏覽
今晚我哋兩個人都想食海鮮，又想經濟實惠啲，就揀咗御名軒。餐前小食-咸香花生（$15）：新鮮脆口，鹹味適中。冰鎮南非鮑魚（每隻$58）：見呢款菜式係晚市廚師推介，而且呢個菜式平時比較少見，就叫兩隻試下先。南非鮑魚一向質感厚實，口感一流，廚師應該都花左啲時間同埋用咗濃汁去烹調呢種食材，唔單止令佢入味，而且仲令鮑魚有咬口得黎又唔會話咬唔斷嗰隻。蒜蓉粉絲蒸大元貝（$138）：1客有4隻，見呢個價錢咁經濟實惠，完全冇諗過佢咁大隻，所以嚟到真係有驚喜。元貝蒸嘅時間啱啱好，一啲都唔韌。粉絲索曬啲蒜蓉味，忍唔住食晒。蘇格蘭蟶子皇（每隻$42）：因為我本身好鍾意食蟶子，所以叫咗三隻。既然元貝用咗蒜蓉粉絲蒸，蟶子就試下唔同嘅味，用豉椒炒先。蟶子好大隻。煮嘅過程應該冇乜點縮水，厚肉有咬口，肉質爽口。用豉椒炒的確係惹味。個汁好多洋蔥同青紅椒塊，有啲菜食吓都幾好。游水沙巴龍躉（$108）：目測條魚約一斤（同餐牌上面所講嘅相符）. 肉質爽彈，連魚肚位置都唔會覺得腥，一定係真鮮魚先做到呢個效果。簡簡單單用薑蔥蒸，已經好鮮味。呢個菜式係晚市三寶嘅其中一款，所以係好抵食（平時喺街市買一條新鮮嘅沙巴龍躉都$8x）. 紅豆
餐前小食-咸香花生（$15）：新鮮脆口，鹹味適中。
冰鎮南非鮑魚（每隻$58）：見呢款菜式係晚市廚師推介，而且呢個菜式平時比較少見，就叫兩隻試下先。南非鮑魚一向質感厚實，口感一流，廚師應該都花左啲時間同埋用咗濃汁去烹調呢種食材，唔單止令佢入味，而且仲令鮑魚有咬口得黎又唔會話咬唔斷嗰隻。
蒜蓉粉絲蒸大元貝（$138）：1客有4隻，見呢個價錢咁經濟實惠，完全冇諗過佢咁大隻，所以嚟到真係有驚喜。元貝蒸嘅時間啱啱好，一啲都唔韌。粉絲索曬啲蒜蓉味，忍唔住食晒。
蘇格蘭蟶子皇（每隻$42）：因為我本身好鍾意食蟶子，所以叫咗三隻。既然元貝用咗蒜蓉粉絲蒸，蟶子就試下唔同嘅味，用豉椒炒先。蟶子好大隻。煮嘅過程應該冇乜點縮水，厚肉有咬口，肉質爽口。用豉椒炒的確係惹味。個汁好多洋蔥同青紅椒塊，有啲菜食吓都幾好。
游水沙巴龍躉（$108）：目測條魚約一斤（同餐牌上面所講嘅相符）. 肉質爽彈，連魚肚位置都唔會覺得腥，一定係真鮮魚先做到呢個效果。簡簡單單用薑蔥蒸，已經好鮮味。呢個菜式係晚市三寶嘅其中一款，所以係好抵食（平時喺街市買一條新鮮嘅沙巴龍躉都$8x）.
紅豆沙（贈送）：棉滑起沙，紅豆大大粒。
兩個人食咗四款海鮮，大滿足！
張貼
