龍華軒咖啡室 (已結業)

我呢本身就好鍾意食雞翼，咁就比佢雞翼放題吸引左，諗住自己都應該食到40-50隻左右，點知一見到啲雞翼，就知唔對路。啲雞翼隻隻乾到好似柴咁，跟住求奇係上面加啲醬汁就當係唔同味既雞翼，咁都你諗到，真係要比個叻你地。1.椒鹽雞翼椒鹽粉加上乾柴炸雞翼。2.蜜糖雞翼BBQ樽裝蜜糖後加乾柴雞翼，口感好似食緊樹皮加蜜糖。3.香草雞翼同普通正常雞翼無分別，一啲香草既味道都食唔到。4.蒜香雞翼蒜同雞翼既味完全分開，同雪糕軍艦有得比。之後，我見鋪頭既裝修有一種cafe既感覺，而見佢飲品既價錢又相對高，就叫左一杯特濃朱古力既凍飲品，之後一飲，杯野稀過水，雀巢朱古力粉都濃味過佢十倍，令我失望完之後又再失望多次。