影片
更多
2022-01-16
320 瀏覽
呢間餐廳，由十二月約到一月終於食到，意義已經重大，最重要係，食埋呢餐，聽晚就無得晚市堂食，所以覺得份外珍惜，好彩食到呢間咁高水準嘅餐廳作結。時代廣場一向物換星移，餐廳經常會換新更替，而之前一路有兩間中菜都係我target 之內，YUE「悅」先試，因為一眾朋友洗版洗到一個點，食左先再約另一target川川。可能因為疫情關係，當日人不算太多，坐得舒服之餘，空間感也非常夠，更見到有同事當晚都有在場，怪不得身邊的朋友圈個個也打卡。幸好朋友打點好所有，佢話出名的食物也一網打盡，先上前菜，豉油皇香煎日本淮山（Pan-fried Japanese Yam），梁溪素脆鱔 （Deep Fried Dried Mushroom Vinegar） 同金沙鴨紅 （Deep Fried Crispy Duck Blood – Salted Egg Yolk ）。三個菜式，鴨紅我不吃無辦法講，但老公不停食，應該不錯，豉油皇香煎日本淮山就絕對精彩，煎得靚靚之餘，味道也剛好。梁溪素脆鱔同食真嘅鱔差不多，脆度同個醬汁，一樣很好。豬肚鳳吞燕 （Braised Bird's Nest Stuffed in Chicken）
呢間餐廳，由十二月約到一月終於食到，意義已經重大，最重要係，食埋呢餐，聽晚就無得晚市堂食，所以覺得份外珍惜，好彩食到呢間咁高水準嘅餐廳作結。
時代廣場一向物換星移，餐廳經常會換新更替，而之前一路有兩間中菜都係我target 之內，YUE「悅」先試，因為一眾朋友洗版洗到一個點，食左先再約另一target川川。
可能因為疫情關係，當日人不算太多，坐得舒服之餘，空間感也非常夠，更見到有同事當晚都有在場，怪不得身邊的朋友圈個個也打卡。
幸好朋友打點好所有，佢話出名的食物也一網打盡，先上前菜，豉油皇香煎日本淮山（Pan-fried Japanese Yam），梁溪素脆鱔 （Deep Fried Dried Mushroom Vinegar） 同金沙鴨紅 （Deep Fried Crispy Duck Blood – Salted Egg Yolk ）。
三個菜式，鴨紅我不吃無辦法講，但老公不停食，應該不錯，豉油皇香煎日本淮山就絕對精彩，煎得靚靚之餘，味道也剛好。
梁溪素脆鱔同食真嘅鱔差不多，脆度同個醬汁，一樣很好。
豬肚鳳吞燕 （Braised Bird's Nest Stuffed in Chicken） 係當晚重點，好適合愛美的女士，呢個燕窩湯係將一大堆燕窩釀入豬肚入面，個湯都真心勁甜勁勁好飲，豬肚又淋身又夠薄，真心係好精彩，朋友話價錢貴，計我話，手功都喺返度啦。
原件鮑汁蝦籽柚皮 （Pomelo Pith, Dried Shrimp Roe, Abalone Sauce ）係我心水，呢到都做得唔錯。鮑汁蝦籽都令柚皮更突出。
脆皮蔥油雞 （Deep Fried Crispy Chicken, Scallions），聽朋友講話讚，原來真係會有大驚喜，雞夠滑而個蔥油係重中之重，直頭係送三碗飯都得。
金梅陳醋咕嚕肉 （Sweet & Sour Pork, Aged Vinegar ）都係頭三的好，個咕嚕肉外層鬆脆，酸酸地正好令剛剛的飽肚感更舒緩，而且你吃得出一般咕嚕肉沒有的細緻感。
油浸筍殼魚（Deep-Fried Marble Goby Fish）通常少見會食呢種選擇，幸好我乜魚都食，當晚我自然係主力，肉嫩滑外層脆，加豉油又不會太鹹，絕對做得好。
砂窩蟹粉炒飯 （Crab Roe, Fried Rice in Claypot ）係瘋狂的精彩，就算幾飽你都會忍唔住食，最正係海鮮炒飯已經又有口感又好食，加上蟹粉真係好精彩。
作尾聲的高湯千絲日本大根 （Julienne Japanese Radish, Supreme broth），原來呢度用上好多日本食材，呢個係signature 之一，高湯甜美得很，同剛剛的豬肚湯相得益彰。
原來仲有個菜魚湯京都腐竹浸葛絲（ Kuzukiri in Fish Soup, Kyoto Bean Curd Sheet ），又係好得，腐竹同葛絲配得好好，特別係葛絲，原以為係普通米粉之類，但口感勝過很多坊間靚的米粉，搞到我即刻要研究下呢種食物。
甜點兩種椰汁馬蹄卷（Water Chestnut Cake w/ Coconut Sauce）同金銀流沙煎堆仔（Deep-fried Sesame Lava Puff with Custard ），兩個都做得好有水準，不過都係主食比較精彩。
呢間YUE，真心要推薦，希望有晚餐之後，可以再食到。
張貼
