影片
更多
2010-11-17
8 瀏覽
又係一個星期六, 師傅再同一班好友把酒言歡, 但今次竟然係好有目的地出黎, 皆因好友達拉斯人將要做老襯, 於是趁著星期六人齊就相約一班好兄弟出黎飲杯野, 講下當日大喜嘅對策; 當講完正經野後, 有了家室的都歸心似箭, 就只淨下師傅同好友食家"乜都放入窿"呢d單身寡佬, 喺未飲飽嘅情況下唯有食飽, 於是就齊齊去食宵夜!宵夜地點好友食家"乜都放入窿"就提議重慶回味香, 師傅當然舉腳贊成, 於是即刻飛的過去, 點知去到食店竟然落閘放狗, 明明記得開飯網提供嘅資料係營業至凌晨兩點半, 而師傅到達時都只係十二點鬆少少, 咁早就收鋪, 你話係咪激氣加失望呀! 又摸門釘, 咁點算好? 既然係咁師傅就提議去棠記食豬雜啦, 於是就朝住渡船角方向行! 行到去好友食家"乜都放入窿"見到間麻辣雞煲, 就問師傅有冇興趣, 講到食喎師傅當然冇問題, 點知又冇位, 要留電話; 由於唔知要等幾耐, 於是就四圍行下, 點知見到堂記腸粉竟然唔多人, 於是就決定坐低食少少; 食食下麻辣雞煲致電, 可惜兩食家仍未行得開, 到再次去到麻辣雞煲時又冇位, 凌晨接近一點依然咁多人, 呢間食店非試不可, 所以師傅同好友食家"乜都放入
宵夜地點好友食家"乜都放入窿"就提議重慶回味香, 師傅當然舉腳贊成, 於是即刻飛的過去, 點知去到食店竟然落閘放狗, 明明記得開飯網提供嘅資料係營業至凌晨兩點半, 而師傅到達時都只係十二點鬆少少, 咁早就收鋪, 你話係咪激氣加失望呀! 又摸門釘, 咁點算好? 既然係咁師傅就提議去棠記食豬雜啦, 於是就朝住渡船角方向行!
行到去好友食家"乜都放入窿"見到間麻辣雞煲, 就問師傅有冇興趣, 講到食喎師傅當然冇問題, 點知又冇位, 要留電話; 由於唔知要等幾耐, 於是就四圍行下, 點知見到堂記腸粉竟然唔多人, 於是就決定坐低食少少; 食食下麻辣雞煲致電, 可惜兩食家仍未行得開, 到再次去到麻辣雞煲時又冇位, 凌晨接近一點依然咁多人, 呢間食店非試不可, 所以師傅同好友食家"乜都放入窿"決定下次先再去! 轉個彎就見到呢間食店, 門外亦浸出陣陣嘅麻辣香味, 就係咁師傅同好友食家"乜都放入窿"就被迷住了!
入到去食店人唔多, 所以好快有位, 同好友食家"乜都放入窿"商議左一陣, 決定唔食雞煲, 於是就揀左幾款小食, 分別有夫妻肺片, 涼伴薯粉, 尖椒皮蛋, 涼伴雲耳同埋兩款串燒, 分別係羊肉同雞軟骨! 落完單後當然係等, 等嘅時候師傅又四圍望下, 發覺呢度d伙計姐姐都幾得下, 青春無敵真係嗒得杯落架; 忽然間收到個壞消息, 就係燒烤爐壞左, 所以冇串燒食; 接住就係尖椒賣晒, 雖然師傅感覺到黑黑地, 不過見到d伙計姐姐又有禮貌, 又好笑容, 咩野黑氣都唔覺啦!
四款食物分別先後登場, 師傅先講下夫妻肺片, 夫妻肺片有牛肚, 牛展等, 內臟入口非常之爽, 絕冇半點韌身, 最重要係麻辣汁調教得非常出色, 麻辣夠香但唔係即刻辣, 入口後辣味慢慢地浸出來, 所以係會越吃越辣, 但就絕唔會吃一件就覺得辣到食唔到, 麻辣汁真的調教得洽到好處, 而伴碟嘅青瓜亦十分新鮮青爽, 食到辣辣地食件青瓜絕對可以舒緩辣度, 呢個配搭堪稱一絕, 必食之選!
至於涼伴薯粉就係凍食嘅薯粉, 薯粉係十分煙韌, 口感一流, 配上麻辣汁, 麻麻辣辣, 甚是惹味, 而伴碟嘅木耳爽口新鮮, 用黎中和口中嘅辣度亦係不錯; 而尖椒皮蛋冇左尖椒咁點算呢? 好友食家"乜都放入窿"就同伙計提議用青瓜, 青瓜新鮮爽口師傅都不用多說, 但值得一讚係皮蛋, 皮蛋係糖心的, 所以入口甚甜, 再配上麻辣汁, 外辣內甜, 一絕, 不過唔知配上尖椒會係點呢? 最後涼伴雲耳入口好爽, 而且有咬口, 都唔錯!
總括黎講食物質素非常出色, 環境亦十分舒服, 服務就相當知好, 有禮貌有笑容, 絕對感受到佢地好有誠意, 有heart, 而價錢唔貴, 兩個人四款小食, 埋單百二蚊唔使, 每人六兜野, 真係十分抵食! 能夠同好友食家"乜都放入窿"四圍去搵下新嘅食店, 是次雖然係宵夜, 但確實係一個唔經驗, 加上食店內的伙計姐姐青春可人, 淨係坐喺度都賞心悅目, 令師傅有一個愉快嘅深夜, 咁你話笑臉係咪一定要比呢? 所以好肯定一定會再黎!
張貼
