Pinot Duck (已結業)

一間裝修西化的餐廳，內部裝修好靚，坐得好舒服，睇一睇menu，原來係中餐廳或可以講港式餐廳，Lunch time去食唔算多人，就係貪佢冇人等位，見餐廳名有Duck字，顧名思義係食鴨為主題啦。叫咗個set lunch....冬瓜陳皮火鴨絲燉湯燉湯鴨味唔濃，非常淡味，只可以講賣相好吸引，食落就好一般。香橙鴨絲薄餅做法有D似扁皮鴨，都係有京蔥、鴨、扁皮鴨既醬，只係多咗橙味，味道一般，叫做食主菜前開一開味蕾同胃口。生炒菠蘿牛肉飯一向都好鍾意食生炒牛肉飯，越地道、越基本既港式嘢，就係越考功夫，可惜POINT DUCK 既生炒菠蘿牛肉飯冇鑊氣之餘，牛肉亦冇牛味，味道只係一般的炒飯，真係有D失望。食呢間唔好太有期望，但午飯時間唔想等位、唔想坐到好迫，可以再考慮下再嚟。