影片
更多
2024-02-08
265 瀏覽
合和中心入面有好多臥虎藏龍嘅餐廳，呢間Gary Kwok Café除咗係間好出名嘅花店，原來咖啡食物都一樣掂。今日嚟食早午餐，就叫咗一客「什菌牛油果多士」（$52），牛油果份量好多，入口即溶，好有飽肚感，而什菌加埋濃厚嘅芝士，真係好香！多士烤得香脆，切開都有好多啖另一款叫咗「北海道煙肉車厘茄配忌廉芝士多士」（$58），呢款會惹味啲，煙肉有一定厚度，煎得好香，車厘茄就十分Juicy，酸度適中，撈埋多士嚟食超正，加埋忌廉芝士嘅鹹香、軟滑，令人食唔停口之後就飲咖啡喇！先叫咗一杯「Latte」（$46），餐廳用嘅係荷蘭花花杯碟，全部都係喺外國訂返嚟，靚到爆炸，House Blend嘅咖啡豆，果香感較重，用明治鮮奶嚟沖，加埋高技術嘅拉花（今日係招牌嘅玫瑰花組合圖），真係一大享受餐廳有自家Roastery，有熟悉嘅莊園入豆，咖啡豆質素好有保證，我哋就叫咗兩杯手沖（一杯$78），都係Roaster’s Choice，兩杯用嘅都係衣國耶加雪菲豆，但處理方法有啲唔同，咖啡師好詳細、專業咁同我哋講解，超級細心第一款手沖嘅味道帶有較濃嘅黃色熱帶果實味道，果味香濃入口時覺得似蜜糖，其後會似芒果乾、紅茶（放涼咗
今日嚟食早午餐，就叫咗一客「什菌牛油果多士」（$52），
牛油果份量好多，入口即溶，好有飽肚感，
而什菌加埋濃厚嘅芝士，真係好香！
多士烤得香脆，切開都有好多啖
另一款叫咗「北海道煙肉車厘茄配忌廉芝士多士」（$58），
呢款會惹味啲，煙肉有一定厚度，煎得好香，
車厘茄就十分Juicy，酸度適中，撈埋多士嚟食超正，
加埋忌廉芝士嘅鹹香、軟滑，令人食唔停口
之後就飲咖啡喇！先叫咗一杯「Latte」（$46），
餐廳用嘅係荷蘭花花杯碟，全部都係喺外國訂返嚟，靚到爆炸，
House Blend嘅咖啡豆，果香感較重，用明治鮮奶嚟沖，
加埋高技術嘅拉花（今日係招牌嘅玫瑰花組合圖），真係一大享受
餐廳有自家Roastery，有熟悉嘅莊園入豆，咖啡豆質素好有保證，
我哋就叫咗兩杯手沖（一杯$78），都係Roaster’s Choice，
兩杯用嘅都係衣國耶加雪菲豆，但處理方法有啲唔同，
咖啡師好詳細、專業咁同我哋講解，超級細心
第一款手沖嘅味道帶有較濃嘅黃色熱帶果實味道，果味香濃
入口時覺得似蜜糖，其後會似芒果乾、紅茶（放涼咗更似），最後嘅Finishing會有一陣榴槤、山竹香，整體飲落較舒服，Body質感唔會好重。
另一款係厭氧處理過嘅，會有較濃香嘅發酵水果香氣，
一入口就係好Sharp嘅草莓乳酪味，其後就緩緩哋有啲蜜糖味道滲出，
係較有風格嘅一款，兩款都好特別！
最後咖啡師仲比咗兩杯Cold brew我哋試飲，
呢款味道較「霸道」，咖啡師結合咗Cold brew同Ice drip手法去沖，
風味較濃郁
張貼
