Liberty Coffee & Wine (已結業)

午時去食，早到唔駛等位，店員服務都好好，午餐有set lunch比較抵食，包餐湯、主食和飲品，是次叫了燉牛肉飯、炸蠔明太子意粉和散叫炸魚薯條，飲品叫了海鹽焦糖咖啡和抹茶鮮奶。餐湯係磨菇湯，食落有一粒粒幾好飲，燉牛肉飯份量都幾大，食落有小小辣辣地，幾開胃，而明太子意粉既醬都好濃郁，係食到最後有小小漏。最有驚喜係炸魚薯條，好大份，有兩塊炸魚而且炸得出面好crispy入面又唔會爛曬，魚味係新鮮，好食！飲品方面海鹽焦糖咖啡就幾好飲，咸咸地，值得一試。反而抹茶鮮奶較普通，茶味唔算濃，反而鮮奶味重，不過值得一讚係無咩甜味，叫餐時問了職員話飲品唔落糖，幾好。