canton pot (已結業)

叫左松露菇湯底 好唔同既多菇 所以唔使叫菇都得一set醬同配料，下面有字介紹唔驚落錯叫左玫瑰花茶，之後變濃有啲酸，會一直幫你加水，食完可以邊飲茶傾陣偈先消消滯。冰菜，口感幾特別，爽脆， 陸完表面睇落好似有層薄冰咁。本地牛頸脊，肉質爽口有肉味，有厚度唔會薄切切 。黑松露豬肉丸，的確有黑松露味少少唔突出，質地少少彈牙 。桂花蚌幾鮮，陸一陣好上，唔係有排咀嚼。菠菜餃都ok, 陸完有湯汁係入面。因為有菇，入面既湯都好鮮，好味過湯底。