天 · 悠蔬食 (已結業)

之前已經同屋企人黎過呢間餐廳，大家對食物都讚不絕口。過左一排再黎，餐牌換左，keep住有新鮮感。今次一個人黎，因為新一年想每星期食一天素，於是唸起呢間餐廳。餐廳一邊用粉紅色少女風做主調，靠窗一邊就係湖水綠的卡位，有空間感又夠光猛。前菜點了甘筍蕃茄桃膠忌廉濃湯配香脆法包湯真材實料，而且夠creamy,加上桃膠來增加口感，有創意又好味。法包面頭加上香草油，食落脆卜卜又夠香。葡汁芝士菠菜猴菇焗黃金蛋炒飯呢個一上枱，d醬汁仲係度滋滋作嚮，絕對是新鮮焗制。面頭的芝士層超厚，葡汁味亦都十分香濃。黃金蛋炒蛋仲加入了菠菜，菇，甘筍，薯仔和西芹等材料，十分豐富。猴菇有調味，咬落去一絲絲，跟肉的口感超似。雖然已經很飽，但忍唔住叫埋呢個宇治抹茶千層班戟。抹茶餅皮夠薄又軟熟，每層都加上忌廉薄層，食落去時，抹茶味係口腔慢慢併出，真係超級滿足。餐廳的食物有心思，制作用心，味道超出期望。無論素食或非素食，都應該可以係呢度搵到岩自己的野食。