Beerliner German Bar & Restaurant (已結業)

通常同男朋友每隔2-3個月會黎食一次（因為每次食得太飽會有一排唔想食🤣），都食咗3、4次，暫時黎講覺得水準keep到。我地多數會叫豬手餐，豬手大件、有3條腸、酸菜薯蓉同埋薯條（我個人非常中意酸菜）😂今次個豬手皮係最脆嘅一次，又多肉，腸仔好肥美，酸菜同薯蓉好好味，但薯條就唔太新鮮了。另外叫咗個白酒煮青口，估唔到佢咁creamy，同相像中有出入，但味道係幾好（不過少白酒味），而且份量算ok。暫時黎講幫襯過幾次都keep到水準，係有時比較難叫侍應。