夏茶 (炮仗坊)

營業中

休息中

夏至之後日日都熱死人🥵🥵喺instagram見到呢間夏茶個「芒果椰子凍」好似好正咁，就過黎試試佢啦。落單唔洗排隊，但我哋星期日下晝2點去到已經賣晒「芒芒椰子凍」🙄，只有「荔枝凍」喺個椰青殼入面，都好啦咁熱就試吓。呢個甜品$55，入面只有透明啫喱+好多粒荔枝喺個椰青殼到，早知我去超市買個椰青+一梳荔枝仲好啦。個甜品仲要好重，如果冇揸車要烈日當空企喺條街食真係唔好制。另外再加咗一杯「芝士奶蓋椰子雪沙」（原價$45，特價$40），呢飲就好好飲呀，好解渴，味道都好夾，飲落係類似椰奶沙冰咁嘅味。整體黎講，價錢非常貴，可以揀其他椰汁店更好。