囍宴 東‧丰 (已結業)

無論新派菜還是舊派，只要煮得好食，就可以啦。通常黎囍宴都係食甜品，呢到甜品有一定水準，加上食完正餐過黎，而且通常都有位。黎左太古城睇戲，simply life，王家沙人太多，見未食過呢到正餐，於是黎左呢到。環境同其他分店很一致，環境格局都好舒適。睇下餐牌，款色唔少，有d菜有供應少份量，兩個人可以試多一點。冷盤要左皮蛋豆腐，汁夠濃，很醒胃既前菜，豆腐切得唔錯，好刀功。要左個招牌炭燒豬頸肉，賣相似叉燒多一點，睇黎亦係似醬燒多一點。食落口，太甜，甜味蓋過哂d肉味，比佢d自家甜品做得更甜。南乳雞翼，冇南乳味，只有油味。賣相似炸雞店既辣雞翼，對此菜有點失望呢。擔擔拉麵，是撈的。麵唔多爽，看來還是傳統擔擔麵較為對胃口。牛肝菌獅子頭，只係記得係好清既一味餸。甜品要左牛奶雪糕配蘋果，甜品水準很好，做得唔錯，很可口。食完覺得伙頭師傅煮新派野煮到有d走火入魔。甜品保持水準，做得唔錯。那位經理及門口男侍應叫極都唔應，服務那2分只給那位有禮既女侍應。埋單每人180，不便宜，我想還是來食甜品好了。