影片
更多
2022-06-02
323 瀏覽
好味指數😋😋😋回頭指數 ⭐️⭐️⭐️開心指數🤗🤗🤗呢段時間大家都好熱切咁去玩「布甸控」排隊遊戲，見嚟開長沙灣，就去睇吓呢間又係好多人講嘅人氣人龍店八卦吓先，佢最出名嘅係布甸蛋撻。上網睇足資料做功課，睇到好多人都鬧呢間店嘅安排比較混亂，排唔啱隊要重新再排，我本身已經諗過如果人龍太長就唔會玩㗎啦，不過咁啱見得4-5個人排我就入去睇吓蛋糕先，因為都有人寫過佢嘅拿破崙蛋糕好正！問清楚店員，知道先排隊俾錢，再去排攞蛋撻隊。🍴布甸蛋撻（$12）勁好彩，啱啱前面嘅人攞完晒上一盤蛋撻，就出新一批，勁熱辣辣，因為我仲買其他件裝蛋糕，所以只買一個，佢就用紙袋裝俾我，但我同時要 handle 埋小蛋糕盒係有D 摎挍。蛋撻都幾大個又厚身，表面有少少焦燶，切開見到厚厚布甸，曲奇皮香脆，好香牛油味，布甸好滑，奶味蛋味濃郁，仲有少少焦香味，的確係好好味！🍴士多啤梨拿破崙（$34）網上有人寫拿破崙好食，就梗係試吓！因為我一俾完錢就去排蛋撻，我由得店員幫我包好蛋糕，冇特別話揀要邊件。不過打開盒時見到拿破崙上面嘅士多啤梨就特別唔開胃，尤其同時見到另一件蛋糕上面嘅士多啤梨，有比較就更顯眼😅拿破崙嘅三層餅底係okay 鬆化嘅，不過
回頭指數 ⭐️⭐️⭐️
開心指數🤗🤗🤗
呢段時間大家都好熱切咁去玩「布甸控」排隊遊戲，見嚟開長沙灣，就去睇吓呢間又係好多人講嘅人氣人龍店八卦吓先，佢最出名嘅係布甸蛋撻。
上網睇足資料做功課，睇到好多人都鬧呢間店嘅安排比較混亂，排唔啱隊要重新再排，我本身已經諗過如果人龍太長就唔會玩㗎啦，不過咁啱見得4-5個人排我就入去睇吓蛋糕先，因為都有人寫過佢嘅拿破崙蛋糕好正！問清楚店員，知道先排隊俾錢，再去排攞蛋撻隊。
🍴布甸蛋撻（$12）
勁好彩，啱啱前面嘅人攞完晒上一盤蛋撻，就出新一批，勁熱辣辣，因為我仲買其他件裝蛋糕，所以只買一個，佢就用紙袋裝俾我，但我同時要 handle 埋小蛋糕盒係有D 摎挍。蛋撻都幾大個又厚身，表面有少少焦燶，切開見到厚厚布甸，曲奇皮香脆，好香牛油味，布甸好滑，奶味蛋味濃郁，仲有少少焦香味，的確係好好味！
布甸蛋撻
$12
83 瀏覽
0 讚好
0 留言
🍴士多啤梨拿破崙（$34）
網上有人寫拿破崙好食，就梗係試吓！因為我一俾完錢就去排蛋撻，我由得店員幫我包好蛋糕，冇特別話揀要邊件。不過打開盒時見到拿破崙上面嘅士多啤梨就特別唔開胃，尤其同時見到另一件蛋糕上面嘅士多啤梨，有比較就更顯眼😅
拿破崙嘅三層餅底係okay 鬆化嘅，不過餅係比較薄身，鬆化程度唔算太高，中間只有忌廉冇吉士，係好似差咗少少嘢咁，忌廉唧得比較高身，顯得3層餅底特別單薄，好似比例上怪怪哋咁！唔覺得好好味，但又唔算太差。
士多啤梨拿破崙
$34
27 瀏覽
0 讚好
0 留言
🍴黑森林蛋糕（$34）
呢個相比之下比較好食，或者可能係同個拿破崙比較吧！朱古力蛋糕夠濕潤輕盈，不過就冇咩車厘子味嘅，中間嘅忌廉加黑加侖子啫喱比例上唔錯。
黑森林蛋糕
$34
17 瀏覽
0 讚好
0 留言
整體上布甸蛋撻係最好味，不過都係嗰句，如果要我排20分鐘或以上的話就唔太值得，今次由俾錢到攞蛋撻大概用咗8分鐘，都算係可以值得試吓！
張貼
