龍門冰室 (已結業)

次次經過，次次排長龍，今次終於唔使排隊，當然要支持一下。好，坐低睇吓有咩好食先。常餐蕃茄濃湯通粉，龍門冰室出名嘢食超大份，估唔到連通粉都咁大碗，牛乳炒蛋食落都滑，真係超厚，大大粒酸酸甜甜蕃茄，牛肉夠新鮮，通粉係爽口嘅，都係$37咋。羅宋湯，飲落夠稠，個湯夠熱，仲有好多雜菜，好飲！星級雜扒，呢個扒餐兩個人都夠食，仲可以跟飯或者意粉，除咗主菜牛扒、雞扒，仲有四粒炸帶子、三文魚，加埋個龍蝦汁，食落夠汁夠肉，唔會乾。西蘭花、雜菜，係青BB嘅，夠新鮮，仲有大量粗薯條，抵食！天氣太熱，飲杯紅豆冰爽一爽，係紅豆冰淡少少。