肉肉強食 by 鋒膳 (已結業)

之前上網見到呢間既吉列豬柳做優惠，每日首50份只需$20，咁抵緊係去試試佢。我同朋友6點幾去都仲嗌到，同埋咁岩美式什扒都做緊半價去到31/10，所以都嗌左呢個。吉列豬柳有兩大塊，仲有好多配菜，豬柳肉質鮮嫩而且都多汁，點埋好juicy，個黑椒汁都唔錯，唔會好辣。美式什扒都好豐富，牛扒夠軟唔會”韌”，另外仲有一隻雞翼、一條司華力腸同煙肉，全部都好惹味，而豬扒就覺得唔夠吉列豬柳正，但整體都吸引既。另外都仲有好多正野食同扒類可以揀，依家有優惠真係不妨一試，非常抵，加多$18就可以變套餐，有埋湯、飯、餐包、飲品、甜品。地方夠大，好寬敞。