霸嗎拉麵 (已搬遷) 新店位置

呢間拉麵係尖沙咀有一間分店，但原來係銅鑼灣都有，咁多次同佢擦身而過既我，終於有機會係一試。是晚店內有好多食客，係拉麵店林立的登龍街，仍然吸引到大批饕餮光顧，店內的裝潢以大量日文標語為主，雖然不懂日文，但仍看得出他們要做出最強的拉麵。柑太點了他們的豚肉味玉拉麵，我就點了雞骨湯拉麵炙燒豚肉味玉拉麵($88)，一上檯，濃香的豬骨湯香直撲而來，最搶眼就係叉燒，大大塊的叉燒，表面經過火炙，微焦而帶金黃，而厚切的分量，在入口時，可以完全感受到肉質的嫩滑，油脂比例洽到好處，令人想大大啖咬落去。湯底係濃濃的豬骨湯，湯底不算咸，而豬骨湯入口後不乾喉，唯獨表面太多油，感覺較油膩，麵身很索湯，入口彈牙爽滑，味玉雖然無切開，但咬開時，流心的蛋黃味道很濃。雞叉燒味玉雞白湯拉麵($88)呢個麵非常有驚喜，平常吃過的拉麵都是以豬骨為主，但這個卻是雞骨為主，出來的湯很清，入口時有很厚的雞骨味，十足老火湯一樣，而叉燒不是豚肉，反而是以雞上脾肉做的叉燒，入口很嫩滑而且分量十足，每一啖都在食嫩滑的燒雞肉般，令人難以停口，而因為這拉麵用雞湯為主，食到最後可以將湯全部喝下也不覺油膩。這個雞拉麵卻沒有像豚肉拉麵有特盛的多雞叉燒的