樂天皇朝 (已結業)

12月聖誕節今晚同老婆出尖沙咀，先去食個晚飯再去尖東睇燈飾，爽YY呢！今晚揀咗樂天皇朝尖沙咀新分店，位置闊落，環境又非常舒適。【李白醉雞】今次再試佢嘅醉雞，賣相好靚，雖然我哋冇突登叫雞髀肉，但係都似係髀嘅部份，肉質好嫩滑，酒味不會搶左雞既鮮味，味道真係唔錯。【香辣蒜泥白肉】蒜泥白肉真係好好味，白肉卷住青瓜絲，食起上黎食令到個油膩感無咁重，仲有d又辣辣地既醬料，真係好醒胃!【上海風味醬鴨】作為前菜比我意料之外出色， 醬鴨超入味，鴨皮帶點煙煙韌韌，肉質有彈性又有煙燻味，唔錯唔錯。【清燉雞湯拉麵】個清燉雞湯係另上，個燉雞湯非常清甜，唔知點解覺得食上海野一定要食麵，所以就叫左湯麵試食下。【四川水煮牛肉】鮮牛肉軟淋帶有咬口，內有勁多幼紅薯粉，香料味濃，又有不少芹菜，芽菜和花生，麻辣味非常香，又不算太辣。【宫廷驢打滾】驢打滾唔係好多地方有得食，我比較喜歡糯米做既甜點。糯米皮配紅荳蓉餡加上外層嘅黃豆粉，食落好清甜，口感軟淋帶點煙韌，一邊食一邊歎茶，冇得頂，值得推介!!