德美壽司

營業中

休息中

同事話今晚請食飯，咁我緊係即刻搵日本野啦，呢間餐廳之前聽朋友介紹過話選擇好多又高質又近公司就毫不猶豫揀呢到，我哋叫左個野菜牛肉鍋，超級喜歡個壽喜燒牛肉湯底，味道非常濃郁，甜度啱啱好，材料包括大葱、洋蔥、冬菇、白菜、金針菇、麵條、溫泉蛋，當然唔少得主角厚切牛肉片，成個湯底明顯係靠食材既清甜熬製而成，所以好好飲，食完都唔會好口渴，牛肉片份量好多，吸咗個湯更加juicy，冬菇彈牙，麵條煙韌有咬口，北海道魚生丼好大碗，有三文魚、油甘魚、甜蝦，想講佢個Wasabi都幾好食，我平時都好少沾Wasabi，但今次原來加埋都幾好食，蝦膏鮮甜滑嫩，油甘魚同三文魚厚切新鮮，仲有叫左個洋風鰻魚班戟，一嚟係比呢個配搭好新奇吸引到，二來係我同同事都鍾意食鰻魚，冇諗過原來呢個配搭都幾好，牛油果、芒果、鰻魚，加埋pancake同沙律醬，甜甜酸酸幾開胃，最後甜品芒果三色糕，芒果汁同椰汁紅豆糕，清清地做個結尾，埋單都係$315 only❤️