影片
更多
2024-04-26
30 瀏覽
又係happy Friday ！兩個人想打邊爐，又想食多啲唔同款式，食火鍋放題就啱喇。所以我哋就去咗初心，食佢哋150分鐘嘅雞煲火鍋放題。舖頭好多卡位坐，就算唔係卡位其他位置都好闊落舒適，環境乾淨。三文魚刺身（限量-非任食）：油脂豐富。三文魚片厚切，有咬口。宮廷小食（任食，每天五款）：今日係涼拌雲耳，松露蝦多士，椒鹽三文魚頭腩，紅酒喬頭漬同埋麻辣鴨血。五款入邊我最鍾意係麻辣鴨血同埋松露蝦多士。鴨血唔會一夾就散，麻辣味香。松露蝦多士炸得鬆脆。三款熱食上枱嘅時候都仲熱，好有誠意。雞煲（任食）：雞煲入邊有雞件，豬皮同埋腐竹。調味惹味。職員幫我哋控制雞煲開蓋嘅時間，所以食嘅時候唔會Overcook ,雞件仍然juice. 欣賞佢個豬皮，有一定嘅厚度，咬落帶點彈牙但又唔係硬嗰隻，同埋吸收晒醬汁嘅精華。澳門豬骨火鍋湯底：食完雞煲，職員幫我哋換咗一個宮廷火鍋。湯底有四/五大嚿豬骨同埋好多粟米，胡椒味好香。火鍋配料（除海鮮拼盤係限量-非任食，其他全部都任食）有好多選擇，當中我覺得最推薦既係以下items:- 海鮮拼盤：海蝦，鮑魚，魷魚，翡翠螺，蠔，龍躉片同埋大蜆。啲海鮮都好新鮮，當中最欣賞海蝦，龍躉片
又係happy Friday ！兩個人想打邊爐，又想食多啲唔同款式，食火鍋放題就啱喇。所以我哋就去咗初心，食佢哋150分鐘嘅雞煲火鍋放題。
舖頭好多卡位坐，就算唔係卡位其他位置都好闊落舒適，環境乾淨。
三文魚刺身（限量-非任食）：油脂豐富。三文魚片厚切，有咬口。
宮廷小食（任食，每天五款）：今日係涼拌雲耳，松露蝦多士，椒鹽三文魚頭腩，紅酒喬頭漬同埋麻辣鴨血。五款入邊我最鍾意係麻辣鴨血同埋松露蝦多士。鴨血唔會一夾就散，麻辣味香。松露蝦多士炸得鬆脆。三款熱食上枱嘅時候都仲熱，好有誠意。
雞煲（任食）：雞煲入邊有雞件，豬皮同埋腐竹。調味惹味。職員幫我哋控制雞煲開蓋嘅時間，所以食嘅時候唔會Overcook ,雞件仍然juice. 欣賞佢個豬皮，有一定嘅厚度，咬落帶點彈牙但又唔係硬嗰隻，同埋吸收晒醬汁嘅精華。
澳門豬骨火鍋湯底：食完雞煲，職員幫我哋換咗一個宮廷火鍋。湯底有四/五大嚿豬骨同埋好多粟米，胡椒味好香。
火鍋配料（除海鮮拼盤係限量-非任食，其他全部都任食）有好多選擇，當中我覺得最推薦既係以下items:
- 海鮮拼盤：海蝦，鮑魚，魷魚，翡翠螺，蠔，龍躉片同埋大蜆。啲海鮮都好新鮮，當中最欣賞海蝦，龍躉片，同埋大蜆。龍躉片同海蝦都好彈牙，大蜆有鮮味。
- 極上肥牛：唔係平時任食嗰種一大條肥膏嗰種質素。以任食嚟講，呢個真係高質。
- 黑豚肉：豬味濃郁，咬落彈牙
-手打手丸：必點。牛丸爆肉汁。
- 水餃：內餡豐滿，蝦仁新鮮，木耳爽口。
仲包埋非酒精飲品任飲，同每人一粒維他雪米糍。 食飽飽好滿足咁離開。
張貼
