旺角海鮮菜館

營業中

休息中

旺角海鮮菜館位於香港正中心，地點超方便，想食靚海鮮唔使去到西貢流浮山😋用料新鮮食物夠鑊氣，介紹吓今次試過嘅菜式～首先一定要試吓個湯，杏汁豬肺湯同胡椒雞豬肚湯各有千秋。杏汁豬肺湯嘅湯底濃郁香濃，豬肺肉質鮮嫩，配上杏汁又滑又潤。胡椒雞豬肚湯則帶有濃厚嘅香料風味，雞肉同豬肚熬得非常入味，夠晒胡椒味胡椒粉都唔使落～跟住就要試吓海鮮～首先係粉絲蒜蓉蒸扇貝，喺餐廳嘅招牌菜之一。扇貝肉鮮嫩多汁大大隻，粉絲則吸收了鮮美的海鮮湯汁，加埋蒜蓉將海鮮嘅鮮味迫晒出嚟！鮑魚也是非常鮮美，彈牙嘅鮑魚肉質配上醬汁，令人食過返尋味～至於黃金蝦外皮炸得金黃酥脆，呢下最考功夫，下面襯住西蘭花墊底，吸收曬蝦嘅鮮味同埋多餘嘅油分，非常清新開胃😍最特別係杉斑， 一邊蒸一邊炸兩種食法，蒸嗰邊鮮味滑口夠魚味，炸嗰邊香口惹味，滿足到唔同嘅口味，大快朵頤滿載而歸！整體而言，旺角海鮮菜館烹調技巧一流，服務態度也很友善，物有所值。如果你都係海鮮控，我高度推薦大家試吓～