醉美島 (已結業)

夜晚覺得悶悶地，約埋附近好友食宵夜，最好就當然係食串燒啦😛雞地附近呢間新開既串燒，平時路過聞到好香，又多人食，一於就試下先！呢度串燒平均二十幾蚊串左右，都幾大串，選擇都多，又唔收加一，就咁睇都唔錯！不過都要試下個味先可以評論。我地叫左十幾款串燒，總體而言都好食的😆因為調味好啱我口味，係孜然麻辣果種style🤫如果唔夠辣，檯面仲有辣粉可以任加🤣最欣賞係有個鐵板烘住d串燒，咁就唔驚好快變凍啦！呢幾款特別推薦‼️雞全亦外皮超級香脆五花肉串肉味濃牛舌柔軟有肉味韭菜好juicy另外仲叫左蒜蓉生蠔，超級大超級鮮甜秘汁娃娃菜就比較清淡，可以多d蒜仲有個椰汁冰，估唔到好足料好香椰子味，同串燒都好夾下！兩個人四百幾，唔洗加一覺得幾抵既