一喜車仔麵

營業中

休息中

上次同事來過食lunch話超級好味，今日我收工就來食，真心民間高手啊！超級好食！呢到主要食車仔麵，但好多小食都超好食，雖然已經食到好飽，但因為老闆娘話好推介，我地又一路加點，結果每一樣都好高質！首先我要左個腩汁銀針粉，一食就知係貴價銀針粉，咬落冇好粉咁斷開，加埋佢哋嘅自製咖喱，真係好過癮。自家炒嘅咖喱汁好有層次感，辣得來又會令人想食完一啖有一啖！有汕尾小米粿好特別，係我第一次食，qq口感好正。特級瀨尿牛筋丸真心好彈牙，同埋真係要小心啲食，因為真係會爆汁！丸類我地要左汕尾馬鮫豬肉丸，秘製菜肉餃炸有魷魚的魷魚丸同炸蝦條，所有都好好口感。講到小食，我地叫咗生炸手工韭菜餃，生炸潮汕三寶同生炸香辣單骨雞翼。全部都好鬆脆，又唔會食到成口油另外想講就係佢哋個雞湯湯底都真係好甜好出色！叫咗咁多嘢，最後當然食唔晒啦，叫咗老闆比外賣盒我哋，就發覺佢哋用一啲好特別嘅外賣盒，成個罐頭咁樣，湯底都整到好似湯包咁樣，保持到好熱嘅溫度，返到屋企食都好方便。