Bulldog Hotdog (廣福道) (已搬遷) 新店位置

同朋友行大埔,又到下午茶時間,比Bulldog Hotdog門口餐牌上面好多特別口味嘅熱狗吸引我地眼球,咁就去試下啦....我地選左期間限定嘅櫻花蝦熱狗 & 日式鰻魚熱狗套餐,可配薯角,蕃薯條,芝士條,仲有汽水.櫻花蝦熱狗配蕃薯條, 櫻花蝦熱狗同餐牌上面既圖一樣咁靚,唔會貨不對版,很夢幻,櫻花蝦唔只賣相吸引,仲香氣撲鼻,最上層鋪滿橙色嘅蟹籽粒,仲有蟹柳&千島醬,味道非常夾,鬆軟嘅面包夾住脆皮法蘭克福香腸,真喺超級好食.蕃薯條好有意外驚喜,粗薯條嘅質感,外皮脆口,內里綿滑粉糯,好似食緊日本蕃薯咁,建議唔點茄汁,可以食返蕃薯條嘅原汁原味.日式鰻魚熱狗配芝士條, 日式鰻魚熱狗賣相都好靚,上面有好多塊厚厚嘅鰻魚,好多紫菜,木魚,加上鰻魚汁和沙律醬,鰻魚好肥美,醬汁非常野味,整個包饀料好多,食得好滿足.芝士條,出奇地有拉絲效果,但又唔覺得溜濟,外層炸得好脆口,兩者配合得好好,芝士迷一定要試.無諗過熱狗都有咁多唔同特別嘅口味,好想全部試晒.