影片
更多
2022-11-28
50 瀏覽
近排工作好忙碌，想食下熱氣野減減壓，去咗呢間之前食過好多次既小店食炸雞髀。食物全部係即叫即整，香噴噴又熱辣辣，超級誘人。巨髀既份量真係非同小可，好有霸氣，目測仲大過自己隻手😂😂 最欣賞既係2隻雞髀都厚肉得嚟亦嫩滑，而且能夠鎖住肉汁，撕開雞髀肉d汁爆哂出嚟，咬落仲啖啖肉，讚！經典魔髀（$43）係椒鹽味，塊皮炸得香脆鬆化，咬落卜卜聲。黃金魔髀（$48）鋪滿咗鹹蛋黃醬，好邪惡好滿足🤤黃金魷魚鬚（$46）被鹹蛋黃醬緊緊包住，炸粉唔厚，食落煙韌又可口。粒粒豆腐（$33）呈金黃色，而且外脆內軟，加埋自家製既椒鹽更惹味。熱黑糖珍珠鮮奶（$35）唔會過甜，珍珠份量都幾大方。魔芝可可雪沙（$40）飲落清涼，中和返食物既熱氣感。整體而言食物價錢合理。餐廳門面貼咗唔少食物相，一目了然。
食物全部係即叫即整，香噴噴又熱辣辣，超級誘人。
巨髀既份量真係非同小可，好有霸氣，目測仲大過自己隻手😂😂 最欣賞既係2隻雞髀都厚肉得嚟亦嫩滑，而且能夠鎖住肉汁，撕開雞髀肉d汁爆哂出嚟，咬落仲啖啖肉，讚！
經典魔髀（$43）係椒鹽味，塊皮炸得香脆鬆化，咬落卜卜聲。
黃金魔髀（$48）鋪滿咗鹹蛋黃醬，好邪惡好滿足🤤
黃金魷魚鬚（$46）被鹹蛋黃醬緊緊包住，炸粉唔厚，食落煙韌又可口。
粒粒豆腐（$33）呈金黃色，而且外脆內軟，加埋自家製既椒鹽更惹味。
熱黑糖珍珠鮮奶（$35）唔會過甜，珍珠份量都幾大方。
魔芝可可雪沙（$40）飲落清涼，中和返食物既熱氣感。
整體而言食物價錢合理。
餐廳門面貼咗唔少食物相，一目了然。
張貼
