影片
更多
2019-09-19
166 瀏覽
呢間木船係太和都開左好幾年，成日經過都好多人食，今晚8點同女友經過，見咁岩有一張枱就入去食。入面環境都好舒服，好多木同麻繩既裝修。而我地坐既位個設計就好似真係一隻木船入面咁，幾靚架！不過冇影到，你去過就會明咁我地兩個人就叫左3個食物，加2杯野飲。餐牌第一頁好有趣的，係泰文既教學！餐牌入面基本上每個食物都有圖，好易揀！先黎既係泰式鳳爪沙律，都幾大碗，仲要有足足半碗都係鳳爪，過足口癮，開胃之後上既combo 小食拼盆，有4款小食，每樣兩件，兩個人食岩岩好。個炸蝦球好香好好食！之後既重點來了！招牌菠蘿炒飯配虎蝦！ 上枱既時候我眼都突埋！第一次食菠蘿炒飯有呢種視覺上既震撼，整得好有心機！食落炒飯都好香，好足料，有雞肉粒、蛋、提子乾、肉鬆、菠蘿粒；而兩隻虎蝦都應該幾鮮，d 殻好易剝開，非常正呀！我地仲叫左兩杯飲品，呢杯「脆爆芒果園」好巨型呀！係芒果乳酪沙冰，上面有d 爆谷，入面仲有粒芒果麻糬，超級豐富 咁呢杯飲到尾就幾甜既，有食左甜品既感覺！而另外呢杯「夏日芭東海灘（菠椰）」都好靚啊！味道好清新！ 雖然唔係好肯定入面係咩成份，有椰汁同少少菠蘿既味，奶昔既口感，都好解渴，好特別！呢杯我覺得係必試的
呢間木船係太和都開左好幾年，成日經過都好多人食，今晚8點同女友經過，見咁岩有一張枱就入去食。
入面環境都好舒服，好多木同麻繩既裝修。而我地坐既位個設計就好似真係一隻木船入面咁，幾靚架！不過冇影到，你去過就會明
咁我地兩個人就叫左3個食物，加2杯野飲。餐牌第一頁好有趣的，係泰文既教學！餐牌入面基本上每個食物都有圖，好易揀！
先黎既係泰式鳳爪沙律，都幾大碗，仲要有足足半碗都係鳳爪，過足口癮，開胃
之後上既combo 小食拼盆，有4款小食，每樣兩件，兩個人食岩岩好。個炸蝦球好香好好食！
之後既重點來了！招牌菠蘿炒飯配虎蝦！ 上枱既時候我眼都突埋！第一次食菠蘿炒飯有呢種視覺上既震撼，整得好有心機！
食落炒飯都好香，好足料，有雞肉粒、蛋、提子乾、肉鬆、菠蘿粒；而兩隻虎蝦都應該幾鮮，d 殻好易剝開，非常正呀！
招牌菠蘿炒飯配虎蝦
$158
17 瀏覽
0 讚好
0 留言
我地仲叫左兩杯飲品，呢杯「脆爆芒果園」好巨型呀！係芒果乳酪沙冰，上面有d 爆谷，入面仲有粒芒果麻糬，超級豐富 咁呢杯飲到尾就幾甜既，有食左甜品既感覺！
而另外呢杯「夏日芭東海灘（菠椰）」都好靚啊！味道好清新！ 雖然唔係好肯定入面係咩成份，有椰汁同少少菠蘿既味，奶昔既口感，都好解渴，好特別！呢杯我覺得係必試的！
夏日芭東海灘（菠椰）
$58
14 瀏覽
0 讚好
0 留言
最後連埋加一$433，以我地叫左咁多野，同埋呢個質素，抵呀！
張貼
