影片
更多
2021-02-11
2870 瀏覽
疫情限聚下想出去食餐好嘢都難，只好喺下午時段另覓出路。聽朋友講尖沙咀有間墨西哥餐廳做緊期間限定嘅2小時任食套餐，即刻搵左飯腳朋友S狗衝去試！平時去諾士佛臺飲嘢就多，估唔到喺中間紫珀酒店上面3樓別有洞天，隱藏住呢間有闊落露台嘅墨西哥風情餐廳。事不宜遲，睇睇任食有咩選擇，包括經典嘅Nachos、Tacos、Quesadilla等，價錢$248加一唔算貴，平時飲嘢叫兩碟都喺返度。同朋友決定左每款點一份先，試完覺得好食嘅再追加。先嚟一份Mini Nachos（可以揀牛/雞/素菜），揀左配雞肉，熱辣辣嘅拉芝粟米片加埋烤雞肉、番茄碎同青椒粒，十分開胃，上面嘅牛油果醬同酸忌廉都好濃郁，送酒好正。另一款小食就係Caliente Wings（可以揀蜜糖汁/Cajun風味），雞翼外面香脆入面juicy，兩種味道都特別，蜜糖汁甜甜地幾吸引，Cajun風味嘅香料都好惹味，食完好想再食。仲有釀墨西哥辣椒，炸得金黃香脆嘅青辣椒外面有薄薄一層脆漿，入面釀左南瓜菠菜，辣得好過癮！食完即刻想飲多啖酒！跟住就食經典嘅Tacos（可以揀豬/牛/雞/素菜），試左牛同豬各一Set，圓形Taco薄皮上面擺滿肉碎、沙律菜、番茄洋蔥
平時去諾士佛臺飲嘢就多，估唔到喺中間紫珀酒店上面3樓別有洞天，隱藏住呢間有闊落露台嘅墨西哥風情餐廳。
事不宜遲，睇睇任食有咩選擇，包括經典嘅Nachos、Tacos、Quesadilla等，價錢$248加一唔算貴，平時飲嘢叫兩碟都喺返度。同朋友決定左每款點一份先，試完覺得好食嘅再追加。
先嚟一份Mini Nachos（可以揀牛/雞/素菜），揀左配雞肉，熱辣辣嘅拉芝粟米片加埋烤雞肉、番茄碎同青椒粒，十分開胃，上面嘅牛油果醬同酸忌廉都好濃郁，送酒好正。
另一款小食就係Caliente Wings（可以揀蜜糖汁/Cajun風味），雞翼外面香脆入面juicy，兩種味道都特別，蜜糖汁甜甜地幾吸引，Cajun風味嘅香料都好惹味，食完好想再食。
仲有釀墨西哥辣椒，炸得金黃香脆嘅青辣椒外面有薄薄一層脆漿，入面釀左南瓜菠菜，辣得好過癮！食完即刻想飲多啖酒！
跟住就食經典嘅Tacos（可以揀豬/牛/雞/素菜），試左牛同豬各一Set，圓形Taco薄皮上面擺滿肉碎、沙律菜、番茄洋蔥等，咬落啖啖肉，肉汁多到滿瀉！
而Quesadilla（可以揀牛/雞/素菜），就將肉絲、半溶芝士、煙肉、蘑菇等釀入夾餅裏面，餡料超厚，勁香勁滿足。
唔夠喉的話可以叫埋肉醬意粉，意粉煮得啱啱好，肉醬份量都好闊綽，意粉控的話要試試！
最後甜品就係必食嘅Churros，炸到外脆內軟嘅Churros條點埋朱古力醬就係無得輸嘅配搭！朋友表示可以食唔停！
食任食嘅話，仲可以$20額外加一杯Margarita，而且加幾多杯都係$20/杯，平到爆炸！
張貼
