殿 大喜屋 (裝修中)

呢間殿大喜屋位於尖沙咀，已經開業多年，但質素依然都保持到水準，最吸引我嘅當然係刺身任食啦！壽司款式亦都唔少，我特別喜歡海膽拖羅壽司，因為夠晒矜貴兼好味。重有師傅即場包手卷，兩款選擇 - 深海皇帝蟹手卷和北海道海膽手卷。 當然兩款都食晒，因為師傅現場包手卷的關係，所以紫菜特別脆口。呢度嘅鵝肝仲有冷熱兩款，凍嘅有法式紅酒藍莓鵝肝，熱嘅就係鐵板鵝肝厚多士，鵝肝超厚身，油香美味！因為太多嘢食嘅關係，唯有放棄熟食區喇。飲品方面款式都好豐富，除了雪櫃內的飲品任飲之外，仲有冷熱清酒、梅酒、紅白餐酒同埋啤酒供應，就算淨飲嘢都已經物超所值。甜品方面只能攻雪糕，因為個肚已太飽，食唔落了，唯有等下次再嚟食過。