影片
更多
2017-08-01
1778 瀏覽
今晚去咗薩莉亞開餐，去到門口好多人等緊位，正想走唔等，聽到佢叫飛叫得好快，最後等咗十分鐘，就有位。先叫咗菠蘿什錦蔬菜沙律，酸酸甜甜嘅菠蘿，又脆又綠嘅沙律菜，加埋沙律醬，簡簡單單，好好食。周打海鮮湯，好香好滑，仲啖啖蜆肉，不過就唔夠熱，暖暖地，如果再熱D，一定仲好飲。蒜香法包，一碟兩塊，熱辣辣，遠遠都聞到好香嘅蒜蓉味，不過要趁熱食，凍咗無禁好食。香辣雞翼，個皮煎得好香好脆，雞肉又唔會好乾，望落去唔似好辣，但喺食落都幾辣。黑椒蜆肉鐵板，蜆肉雖然細少少，放喺鐵板度變得好乾身，不過入口就食到少少辣辣地，加埋蒜鹽，好夠味。蒜汁燒魷魚，我最鍾意食燒魷魚，所以一定叫，魷魚好大隻，又唔會好韌，點埋燒汁，好惹味。雞肉野菌雙享薄餅，以為野菌同雞肉喺一齊焗，點知原來喺每邊一款餸，有D失望，味道比較淡，唔夠好味。野菌忌廉意大利粉，白醬汁煮，加埋好多芝士粉喺面，意粉又唔會過淋，好食。甜品芒果冰雪蛋糕，幼滑嘅冰雪糕，加埋蛋白脆餅碎，面頭淋滿芒果果肉醬，酸酸甜甜，個樣都幾靚，不過就甜咗D。榛子脆餅冰雪蛋糕，好濃味嘅榛子冰蛋糕，加埋榛子蛋白餅底，幾鬆軟，味道好香濃，好抵食嘅甜品。飲品叫咗意大利白酒，入口帶酸，味道都O
先叫咗菠蘿什錦蔬菜沙律，酸酸甜甜嘅菠蘿，又脆又綠嘅沙律菜，加埋沙律醬，簡簡單單，好好食。
周打海鮮湯，好香好滑，仲啖啖蜆肉，不過就唔夠熱，暖暖地，如果再熱D，一定仲好飲。
蒜香法包，一碟兩塊，熱辣辣，遠遠都聞到好香嘅蒜蓉味，不過要趁熱食，凍咗無禁好食。
香辣雞翼，個皮煎得好香好脆，雞肉又唔會好乾，望落去唔似好辣，但喺食落都幾辣。
黑椒蜆肉鐵板，蜆肉雖然細少少，放喺鐵板度變得好乾身，不過入口就食到少少辣辣地，加埋蒜鹽，好夠味。
蒜汁燒魷魚，我最鍾意食燒魷魚，所以一定叫，魷魚好大隻，又唔會好韌，點埋燒汁，好惹味。
雞肉野菌雙享薄餅，以為野菌同雞肉喺一齊焗，點知原來喺每邊一款餸，有D失望，味道比較淡，唔夠好味。
野菌忌廉意大利粉，白醬汁煮，加埋好多芝士粉喺面，意粉又唔會過淋，好食。
甜品芒果冰雪蛋糕，幼滑嘅冰雪糕，加埋蛋白脆餅碎，面頭淋滿芒果果肉醬，酸酸甜甜，個樣都幾靚，不過就甜咗D。
榛子脆餅冰雪蛋糕，好濃味嘅榛子冰蛋糕，加埋榛子蛋白餅底，幾鬆軟，味道好香濃，好抵食嘅甜品。
飲品叫咗意大利白酒，入口帶酸，味道都OK，只喺$16一杯，認真抵飲。
其實每次去薩莉亞食嘢，都會唔覺唔覺叫咗一枱嘢食，因為佢D嘢真喺好平，而且味道都OK，所以每次都會食得好飽。
張貼
