影片
更多
2021-11-02
113 瀏覽
最近朋友介紹譽宴星海薈嘅晚市小菜好抵食，所以一行3人去左石門分店，位置萬怡酒店一樓，非常易搵。望望除左套餐吸引之外，其他餐牌仲有勁多優惠.. 其中一個係$68一隻冰鎮花雕五頭南非鮑魚比像中大隻，而且已經切片上，方便食。味道方面花雕酒味好出但未搶去鮑魚鮮味，值得一嚐！鮮露筍野菌炒帶子，大大粒爽口帶子配上翠嫰露筍，仲有少少雜菇，好夠鑊氣!上湯開邊焗美國龍蝦伊麵, 非常大碟, 選用大隻波士頓龍蝦,肉厚爽甜, 伊麵掛滿上湯醬汁，份量挺多，醬汁味濃好惹味。最後一道咕嚕脆皮蝦球，非常有驚喜，蝦球好大隻又爽口，而咕嚕肉更出色，外皮勁脆又薄，肉質爽嫩有肉汁
張貼
