相馬日式火鍋 (已結業)

朋友最近中左肺炎😷，好返之後出返嚟成個人瘦晒，所以特別帶佢去食之前試過好好味又抵食嘅相馬日式火鍋👹幫佢個人增返磅先😈大病完既朋友要健脾暖胃，特別揀左《胡椒雞湯》胡椒味辣而驅風散寒，朋友飲左兩啖都表示個人好暖，而且keep住既頭痛都好返啲🤘🏻超級期待既秋季《大閘蟹》蟹膏絕對不能錯過！滑溜又有蛋黃既味道，超級回味🤝！蟹有少寒底，再飲返碗胡椒雞湯暖返個位， Perfecto！👌🏻任食《串燒小食》炸春卷、蕃薯粒、炸蝦、炸丸都好好味👐🏻係新鮮炸起，又無油益味，外面酥脆，岩哂鐘意食煎炸野既我呀🤟🏻任食《海鮮》青口、帶子、琵琶蝦、東風螺、廣島蠔、紅虎蝦，選擇多又新鮮，仲要係任食，朋友同我勁淥勁食🤝啲海鮮淥落胡椒雞湯度，雞湯帶岀海鮮鮮甜味，再加上胡椒辣味辟咗少少海鮮嘅腥味👍🏻同埋朋友食到捧住個肚走😏店員好貼心，將食物擺好後，再主動問我哋要唔要幫手影相❤️，服務態度好，食物又高質，強力推薦💪🏻