影片
更多
2021-08-22
176 瀏覽
放工後去太和搵朋友食飯，佢介紹咗佢最近嘅飯堂，就係佢屋企樓下，主打食酸菜魚，水煮魚等等辣嘅菜式。一入到去店員已經好快手咁遞上熱水俾我哋洗碗筷，又好熱情地介紹店舖入面嘅菜式，服務好好。睇完餐牌覺得呢度小菜嘅價錢性價比好高，於是我哋兩個人嗌咗好多道菜。佢哋嘅招牌菜酸菜魚嘅份量真係超大，入面仲有好多材料，有酸菜、豆芽、雜菌、幼薯粉等等。魚片完全冇骨，而且好嫩滑，酸中帶香，連個湯都可以飲！薯粉吸收左湯汁，超好食！辣子肥腸炸到好香脆，而且肥腸清理得好乾淨，炸得好乾身，辣到適中，而且仲好麻香，真係食到停唔到口！啫啫魷魚鬚，未食已經聞到好香，砂鍋燒到好熱，好有四川嘅風味，魷魚完全唔靭，送飯一流！最後我哋點左小炒肉，醬汁濃郁，整到菜都好入味，唔鍾意食青椒嘅我最後連啲紅椒青椒都食晒，因為真係太好食啦。整體而言，全餐飯真係好有驚喜，每一樣菜都好好食，而且性價比好高，雖然我唔係住喺呢附近，但係我好相信好快會再嚟多次，鍾意食辣嘅朋友不能錯過！
一入到去店員已經好快手咁遞上熱水俾我哋洗碗筷，又好熱情地介紹店舖入面嘅菜式，服務好好。
睇完餐牌覺得呢度小菜嘅價錢性價比好高，於是我哋兩個人嗌咗好多道菜。
佢哋嘅招牌菜酸菜魚嘅份量真係超大，入面仲有好多材料，有酸菜、豆芽、雜菌、幼薯粉等等。
魚片完全冇骨，而且好嫩滑，酸中帶香，連個湯都可以飲！薯粉吸收左湯汁，超好食！
辣子肥腸炸到好香脆，而且肥腸清理得好乾淨，炸得好乾身，辣到適中，而且仲好麻香，真係食到停唔到口！
啫啫魷魚鬚，未食已經聞到好香，砂鍋燒到好熱，好有四川嘅風味，魷魚完全唔靭，送飯一流！
最後我哋點左小炒肉，醬汁濃郁，整到菜都好入味，唔鍾意食青椒嘅我最後連啲紅椒青椒都食晒，因為真係太好食啦。
整體而言，全餐飯真係好有驚喜，每一樣菜都好好食，而且性價比好高，雖然我唔係住喺呢附近，但係我好相信好快會再嚟多次，鍾意食辣嘅朋友不能錯過！
張貼
