泰濃麵 (蘭芳道) (已結業)

好耐未去過泰國啦，所以突然間好掛住嗰度啲船麵。知道銅鑼灣呢間泰濃麵都好正宗，咁就去試吓食啦。餐廳裝修都好有特色好似去咗泰國嘅小食餐廳咁。首先叫咗個泰式拼盤，入邊有炸蝦餅，炸雞翼同埋芝士雲吞。個蝦餅炸得好香口，而且入邊啲蝦仲係彈牙嘅，加埋啲泰式辣將一齊食酸酸辣辣咁樣好好味。另外仲叫咗個青木瓜沙律，呢個青木瓜沙律朋友話勁好食食完之後仲要打包左嘅返屋企。😂而我都覺得係水準之上嘅，因為個汁酸味味，而且加咗蝦米所以好香口好開胃，而且啲花生好正！至於主菜方面我就同朋友叫咗個雞肉船麵同埋個海南雞飯。船麵個湯好正宗，而且個粉仲可以有唔同嘅選擇。雞肉好滑嫩，而且仲有大量嘅沖同埋炸香蒜搞到成個湯再加分啲。至於海南雞飯就同樣有返咁上下水準，雖然雞嘅做法同啱啱嗰個薯片就有啲唔同，但係都一樣咁好食。雞肉點埋啲醬汁配埋油飯一齊食都好唔錯呀！