蟹仙海鮮蒸氣鍋 (仁愛街) (已結業)

終於開返晚市堂食，就即刻搵朋友出去食晚飯，但又想食啲特別啲嘅餐廳，咁就搵左依間專食海鮮嘅餐廳。餐廳門口招牌有隻蟹🦀係到（搞到我又諗起日本🇯🇵🥲），餐廳店員推介之下我地點左尊貴海鮮套餐（$399），店員仲慢慢介紹每一種海鮮，套餐包括大黃奄蟹🦀、二選一太平洋饅頭蟹🦀同深海海星班🐟（我地選擇左饅頭蟹）、澳洲青年龍蝦🦞、台灣九孔鮑魚、越南大虎蝦🦐、大西洋野生青口、紐西蘭刀貝蚌、日本大元貝、韓國慶南珍珠蠔🦪同埋蔬菜🥬。一開始店員會分開一份份咁上，店員同我哋解釋話係要分返味道同埋煮食咁時間，店員會主動去蒸煮海鮮，每一種海鮮都有唔同嘅蒸時間，所以每次都只會蒸一種嚟食，蒸好一樣先會放第二種入去蒸👍海鮮味道鮮甜，蒸熟期間海鮮啲精華流晒落下面嘅排骨粥，食完套餐嘅海鮮再食返碗集合晒鮮甜味嘅排骨粥，真係好滿足呀😊😋仲有糖水都好好味，有燕窩😋🤩整體來講食得好開心滿足，環境舒服，店員仲好有禮貌同風趣。係每次只可以蒸一種海鮮，需要等多啲時間先可以享用。