八方庭

營業中

休息中

今日放假同老公兩個都想休息下，去返屯門區行吓街再搵嘢食，咁啱見到呢一間酒樓，睇落環境都唔錯，又想食吓啲中菜，就同老公行咗入去食嘢。入到去我係個Menu一見到呢一個老壇酸菜魚（桂花魚），即刻同個侍應落單！送到嚟都好符合我嘅期望！呢一個老壇酸菜魚真係好正宗，佢嘅酸味辣味控制得啱啱好，而且仲用咗桂花魚，魚肉超級嫩，整體嚟講相當之高質！老公仲叫咗兩個小菜，分別就係八方庭小炒皇、鴛鴦蝦球！兩個都好有鑊氣，炒到勁香，顏色都好鮮艷，望到都想食！小炒王加咗好多韭菜，仲有啲紅椒青椒同埋肉炒埋一碟，好多菜式夠晒豐富！鴛鴦蝦球嘅重點就係蝦球，蝦球質感爽口彈牙，好食！