相馬日式火鍋 (已結業)

爸爸生日同佢出去打邊爐慶祝，去咗沙田商業中心嘅相馬，相馬出名火鍋放題材料夠多，連熟食，飲品和甜品都有很多選擇。我哋叫咗個清湯和蕃茄湯，清湯昆布口味，用嚟打邊爐最可以有發到食物嘅原汁原味。蕃茄湯酸酸甜甜非常開胃，因為用咗新鮮蕃茄，所以就咁飲都好好味。細佬係食肉獸，嗌咗勁多碟肉！🐂個美國🇺🇸特選牛肩胛真係非常好味，肩胛肉嘅脂肪比例，食落去唔會好油，有好香濃嘅牛肉味。🐖粉嶺粉嶺嘅豬肉顏色非常靚，一睇就好新鮮，簿簿一片返落去火鍋到淥，淥1分鐘到就食得，點上餐廳提供嘅醬汁更加滋味。🐓雞肉大大件，非常鮮甜！除咗肉之外，仲有好多海鮮，串燒和炸物，今餐食得非常滿足！