影片
更多
2022-04-11
3190 瀏覽
小編近排屈係屋企就黎有抑鬱症🥲決定獎勵下自己去食Omakase😍長文慎入🤣-🥢 Lunch Omakase $980$980餐有得食雲丹盛即係海膽杯😍另外仲有4點剌身/7件壽司/手卷/茶碗蒸/茶壼湯/甜品🥹-🥢白飯魚茶碗蒸之前係元朗分店食過黑松露茶碗蒸已經念念不忘🥲今次白飯魚既新食法又再衝擊味蕾🤣白飯魚勁香又甜配上茶碗蒸好夾👍-🥢刺身 (白子/油甘魚/帆立貝天婦羅/八爪魚)最令我驚喜係個八爪魚平時食係韌過㣠命咬勁耐先吞到😂呢個八爪魚🐙因為慢煮過肉質勁林又入味好似食緊磯煮鮑魚個個口感！另外MVP就係帆立貝佢炸左個外層入面其實仲保留到半生熟程度再加上自家制他他醬好味到唔捨得食🤣白子通常見親都好似一個腦袋咁但因為今次個魚品種唔同就比較似雞子佢用左醋同酒去整個汁令到個白子完全冇腥味😉油甘魚就因為食材新鮮所以超香魚味入口即溶😋-🥢壽司金目鯛/活貝/拖羅/鯖魚/牡丹蝦/穴子/三文魚籽軍艦🍣其實全部都咁好食因為新鮮所以唔洗整太多野都已經好好味🥹最推介金目鯛/鯖魚/三文魚籽個種鮮甜味留係口腔勁耐😋-🥢雲丹盛呢個就係我黎鮨文既原因！爆多海膽杯😍見住師傅將海膽不斷鋪上個杯度勁興奮😌海膽超級甜食極都有大滿足
-
🥢 Lunch Omakase $980
$980餐有得食雲丹盛即係海膽杯😍另外仲有4點剌身/7件壽司/手卷/茶碗蒸/茶壼湯/甜品🥹
-
🥢白飯魚茶碗蒸
之前係元朗分店食過黑松露茶碗蒸已經念念不忘🥲今次白飯魚既新食法又再衝擊味蕾🤣白飯魚勁香又甜配上茶碗蒸好夾👍
-
🥢刺身 (白子/油甘魚/帆立貝天婦羅/八爪魚)
最令我驚喜係個八爪魚平時食係韌過㣠命咬勁耐先吞到😂呢個八爪魚🐙因為慢煮過肉質勁林又入味好似食緊磯煮鮑魚個個口感！另外MVP就係帆立貝佢炸左個外層入面其實仲保留到半生熟程度再加上自家制他他醬好味到唔捨得食🤣白子通常見親都好似一個腦袋咁但因為今次個魚品種唔同就比較似雞子佢用左醋同酒去整個汁令到個白子完全冇腥味😉油甘魚就因為食材新鮮所以超香魚味入口即溶😋
-
🥢壽司
金目鯛/活貝/拖羅/鯖魚/牡丹蝦/穴子/三文魚籽軍艦🍣其實全部都咁好食因為新鮮所以唔洗整太多野都已經好好味🥹最推介金目鯛/鯖魚/三文魚籽個種鮮甜味留係口腔勁耐😋
-
🥢雲丹盛
呢個就係我黎鮨文既原因！爆多海膽杯😍見住師傅將海膽不斷鋪上個杯度勁興奮😌海膽超級甜食極都有大滿足🙊
-
🥢手卷
手卷入面就係火炙過既左口裙邊因為燒過所以迫哂d魚油出黎勁香🥹
-
🫖茶壺湯
超特別佢係用個茶壺去蒸熱個湯入面有勁多海鮮料😍湯係勁甜飲得出係用好多海鮮整成誠意十足！
-
🍨甜品(芝麻/紫薯)
當日有兩款口味當然叫每樣一個試下😌芝麻完全係小編既口味食到淡淡既芝麻味😋紫薯幾驚喜食一啖已經食到紫薯個味！
張貼
